羲和雅苑

營業中

休息中

今天跟家人來用餐, 有訂台, 中午第二場是2:30, 早了到達, 已有座位馬上可以入座。主要想食片皮鴨，因為得３個女性，怕一隻食不完而且全部肉會膩，就訂左半隻。來到後決定要夏日二人餐，入面有半隻片皮鴨，侍應有問是否要加一碗燕窩一人一碗就加左。個餐１２８８但加左一碗燕窩另外茶錢加一，最後埋單１６００左右。 松露醬蝦仁蛋不過不失，燕窩很熱份量不小，和牛稍為多肥一般，菜心很大碟幾脆嫩，海鮮荷葉飯很香口但食到呢度已經有D見飽，只係試左一匙，最後打包夜晚返熱食仲好好味。主角最後先上，鴨頸皮入口即化好正但幾容易膩，剛好也每人只有兩三小片，點藍莓醬和爆炸糖好有新鮮感。個人最鐘意鴨胸加山楂加藍莓醬，芥末也不錯。半隻份量稍微少，有D意猶未盡既感覺但其實３個人食呢個二人餐已好飽最後有糖水，是紅棗木耳，但勁勁勁辣姜味，我食幾啖辣到個胃打思億！食唔到真係晒左。如果下次再來打算叫一隻全鴨！順便片皮鴨標價６００幾但是見餐牌似乎醬料和餅皮是另外收費的。侍應基本都幾好禮貌，打包個飯幫我地當面裝盒，幾企理。