HeSheEat (白布街) (已結業)

今日好興致好想去食甜品，就同埋同事放工就去左呢間位於旺角既餐廳。榛子朱古力心太軟($59)未食已經見到外形已經十分吸引，心太軟配上榛子雲尼拿汁，入面既朱古力慢慢流出，雖然淨偽係食心太軟可能會膩。但搭配清新既椰子味雪糕，食到有少少膩既時候可以食下椰子味既雪糕中和一下。焦糖香蕉窩夫($55)香蕉切半之後加上一層焦糖，上面硬既焦糖下面就係軟熟又甜既香蕉，上脆下軟。窩夫整得十分鬆軟，口感十分好，一碟拖肥汁 另一碟應該係楓蜜都係獨立上，可以自行以自己喜歡既甜度配合黎食。仲有一粒大大粒既朱古力雪糕，食完成個甜品十分滿足。