Ukiyo

營業中

休息中

今日難得去到k11 musea搵野食,知道商場有一個大嘅平台打卡位置,旁邊有一間有落地大玻璃嘅西餐,於是就試下見到好多人都有嗌麻薯窩夫,我點咗平時都好鍾意食嘅開心果口味,開心果雪糕真係好掂,另外仲有好似一張被咁嘅雪白麻薯超驚喜個麻薯係可以拉絲,拉到勁高、窩夫即叫即整,非常鬆軟,食落質地有少少似蛋糕。香橙伯爵茶醬有驚喜,食得出係新鮮水果製作出嚟,如果個醬可以多啲就更加好。煙三文魚凱撒沙律沙律菜新鮮、烤麵包粒鬆脆、仲有刨芝士片,整體fresh得黎唔漏炸番薯條非常有份量, 新鮮炸起真係好邪惡又好好食,仲要加埋黑松露沙律醬,真係難以抗拒嗌咗兩杯熱飲,一杯latte、另外試咗一杯焙茶鮮奶,非常欣賞有拉花嘅熱飲。如果唔飲咖啡嘅朋友,都建議可以試下焙茶鮮奶，焙茶味濃香、鮮奶順滑。on diet嘅朋友都可以揀豆奶或者脫脂奶。