Black Coffee

營業中

休息中

有冇人同我一樣出街食飯都係為咗食甜品？ 早幾日去探婆婆，佢帶咗我哋去一間比較隱蔽嘅餐廳，估唔到觀塘區有一間coffee shop，食物質素咁高， coffee shop飲品一定有保證，綠茶鮮奶好香滑，而我杯Cappuccino亦都好香好濃。嗌咗兩個意粉，龍蝦汁大蝦意粉，每隻蝦都好大隻，而且爽口彈牙，牛面頰真係非常高質，肉質好軟腍腍，牛味好濃郁，意粉質素超高。但我最高興嘅時間，係呢度可以食到高質甜品，超級有驚喜，我哋嗌咗窩夫係即叫即整，三重朱古力，窩夫做到外脆內軟，最精彩係窩夫入邊真係有朱古力醬，朱古力味小小苦苦哋，我覺得咁仲好，冇咁溜真係超級好食，下次探婆婆嘅時候，我都要再試埋其他食物。