La Parrilla Steakhouse

呢間餐廳嘅環境同氣氛真係勁好，安靜得嚟，waiter勁好態度同服務，包保會係食得好開心嘅一餐～🍞餐包麵包就係法包咁嘅口感，外硬內軟，幾香小麥香，個忌廉幾重奶香，建議可以擺一陣先食，會容易啲spread開～🥟Empanada de Carne Criolla其實就係黑橄欖牛肉餡餃，皮係酥皮，個餃子切開好多肉汁嘅，牛肉切得好碎，鍾意佢配咗個鮮茄汁，酸酸甜甜咁，中和下肉汁嗰種油膩，幾開胃～🥠 Chicken sausage 呢個好食！好似入面有紅椒，不過完全唔辣，純粹係攞個香味，落咗少少橄欖油，煎到微微香脆，咬落去油脂爆曬出嚟，好滿足～🍟French fries無限refill嘅，嚟時雖然唔係熱辣辣但依然好脆，有少少香蒜嘅味道好惹味🥰Mains🥩平鐵牛排（Medium Rare）呢個比較瘦，肉質上冇西冷咁軟熟，但肉味重啲，都幾不錯，兩份牛扒都係250g，份量上啱啱好～🥩西冷 （Medium Rare）配醬係芥末同一個加咗咸茶嘅油，冇咩筋，肉質腍軟好易入口，冇腥/騷味，啲肉都好juicy，個人嚟講鍾意食呢個多啲～Dessert 🍮Flan Casero 焦糖布丁上面pat朱古力加焦糖，唔會太甜