影片
更多
2022-11-25
2990 瀏覽
朋友早喺兩個月前已經訂咗Rosewood 瑰麗酒店呢間新開意大利餐廳食下午茶，環境簡約同時亦帶有優雅感覺，餐廳外面就係尖沙咀海濱長廊，食完可以出去觀看維港海景.玻璃櫃內擺放唔同口味嘅pizza同甜品，餐牌亦有其他單點食物（如果餐牌有中英對照會更好😌）餐前麵包，麵包邊硬到完全咬唔到，撇除呢點，內裡質地係軟身好食，可自行配搭黑醋或橄欖油。我哋擇左素食款嘅Margherita pizza 🍕 $88 鋪上芝士同車厘茄，脹卜卜挺厚身，外脆內軟，價錢相當親民 ！另外單點 Rigatoni carbonara ，呢款長通粉實在太厚皮，只係一碟又硬又乾嘅長通粉，好失望😞好後悔叫左佢，二百幾蚊唔知食緊咩😒 剛好有位員工有過嚟詢問食物意見，佢話呢款長通粉係會偏硬，同平時亞洲人口味會有唔同，如果佢負責落單嘅話會提示客人可以要求煮耐啲（可惜當時唔係你落單呢）另外⚠️呢度無免費水提供, 只有付費過濾水$30支（可添加）或叫其他飲品，我自己叫左一杯蘋果汁🍹而朋友就叫過濾水。同朋友都一致覺得呢度環境靚 ， 員工態度好 ，pizza同甜品價錢較大衆化，過嚟輕食一下係可以，只可惜碟長通粉令大家有點卻步，埋單4百幾蚊相信
玻璃櫃內擺放唔同口味嘅pizza同甜品，餐牌亦有其他單點食物（如果餐牌有中英對照會更好😌）
餐前麵包，麵包邊硬到完全咬唔到，撇除呢點，內裡質地係軟身好食，可自行配搭黑醋或橄欖油。
我哋擇左素食款嘅Margherita pizza 🍕 $88 鋪上芝士同車厘茄，脹卜卜挺厚身，外脆內軟，價錢相當親民 ！
另外單點 Rigatoni carbonara ，呢款長通粉實在太厚皮，只係一碟又硬又乾嘅長通粉，好失望😞好後悔叫左佢，二百幾蚊唔知食緊咩😒 剛好有位員工有過嚟詢問食物意見，佢話呢款長通粉係會偏硬，同平時亞洲人口味會有唔同，如果佢負責落單嘅話會提示客人可以要求煮耐啲（可惜當時唔係你落單呢）
另外⚠️呢度無免費水提供, 只有付費過濾水$30支（可添加）或叫其他飲品，我自己叫左一杯蘋果汁🍹而朋友就叫過濾水。
同朋友都一致覺得呢度環境靚 ， 員工態度好 ，pizza同甜品價錢較大衆化，過嚟輕食一下係可以，只可惜碟長通粉令大家有點卻步，埋單4百幾蚊相信呢個價錢同區有更好選擇。
張貼
