影片
更多
2025-01-16
0 瀏覽
同朋友慶祝生日，諗咗好耐食咩好，佢就鍾意食西餐，所以喺google度搵到呢一間畀人話性價比高嘅西班牙餐廳大家一齊試下。起初望佢門口都幾低調😂係平時行街唔會特別留意嘅鋪面，但入到去就係嗰種異域鄉村風嘅裝修，瞬間覺得自己去咗外地😂對想出走但又冇錢嘅我哋嚟講，第一印象幾加分👍🏻一坐低，就有個鬼佬侍應走過嚟問我哋想飲咩，我哋成班冇乜主見、英文又講得唔叻，佢知道我哋多人又飲得到少少酒，就畀幫我哋拍板嗌咗一渣Sangria😂酒精味唔會太重又幾好味🍷（聽啲staff講先知原來個鬼佬好似係店長🤣唔怪得知咁好客）去到前菜，我哋嗌咗一個青口，一個八爪魚沙律🐙，同埋美國生蠔🦪青口就正常發揮，但係八爪魚沙律同埋生蠔就真係幾impress到我！！我未試過食過一個八爪魚係咁juicy，配埋薯蓉個味道真係好夾！連其中一個怕海鮮腥味嘅朋友，食完都覺得好味🤯生蠔又係，每嚿望落去都好肥美，見到佢上面有層橙色嘢，鬼佬店長解釋咗一輪之後原來係蕃茄湯膏🍅，第一下聽到呢個配搭覺得幾奇怪😂但食落去個陣蕃茄味同埋淡淡嘅海水味融合得好好，對於我呢啲好怕鐵銹味嘅人嚟講，實在係我食咗幾年生蠔以嚟食過最好食嘅一間！💯至於 main dish
一坐低，就有個鬼佬侍應走過嚟問我哋想飲咩，我哋成班冇乜主見、英文又講得唔叻，佢知道我哋多人又飲得到少少酒，就畀幫我哋拍板嗌咗一渣Sangria😂酒精味唔會太重又幾好味🍷（聽啲staff講先知原來個鬼佬好似係店長🤣唔怪得知咁好客）
去到前菜，我哋嗌咗一個青口，一個八爪魚沙律🐙，同埋美國生蠔🦪青口就正常發揮，但係八爪魚沙律同埋生蠔就真係幾impress到我！！我未試過食過一個八爪魚係咁juicy，配埋薯蓉個味道真係好夾！連其中一個怕海鮮腥味嘅朋友，食完都覺得好味🤯生蠔又係，每嚿望落去都好肥美，見到佢上面有層橙色嘢，鬼佬店長解釋咗一輪之後原來係蕃茄湯膏🍅，第一下聽到呢個配搭覺得幾奇怪😂但食落去個陣蕃茄味同埋淡淡嘅海水味融合得好好，對於我呢啲好怕鐵銹味嘅人嚟講，實在係我食咗幾年生蠔以嚟食過最好食嘅一間！💯
生蠔
37 瀏覽
1 讚好
0 留言
青口、八爪魚沙律
0 瀏覽
0 讚好
0 留言
至於 main dish，我哋嗌咗一個慢煮羊膝🐑，海鮮PAELLA🦐，同埋肉眼扒🐂通常main dish就見真章，平時好多西餐又貴又細份，但佢份量真係好足，個飯大大碟夠我哋六個人食！肉眼扒五成熟啱啱好，唔會好韌之餘仲有嗰陣牛肉香味🤤但重點係個羊膝！好後悔冇拍片錄低拆開佢嘅一刻！中間啲羊肉係到拉絲痴線🤯🤯🤯超級多汁超級肥美仲好嫩口！！！！嗰一絲絲嘅肉同肥膏融埋一齊，又唔會好膩，啖啖肉又juicy又唔會騷👏🏻👏🏻👏🏻十分推介大家嗌羊膝！！！食完已經超飽♥️（一開頭我哋仲驚唔夠食，喺度諗緊要唔要再嗌多啲嘅時候，個鬼佬店長同我哋講我哋六個人呢個份量夠㗎喇，真係好有良心🥹，唔會一尾sell你嗌多啲/嗌貴啲）
海鮮PAELLA
0 瀏覽
0 讚好
0 留言
慢煮羊膝
0 瀏覽
0 讚好
0 留言
去到最後生日又點少得甜品呢～ 佢哋手字真係寫得幾靚 very 打卡-able，我哋嗌咗 churros 同埋拿破崙千層蛋糕，churros 配咖啡cream太好食搞到我哋成杯cream都舐曬🤣（食到最尾太飽唔記得咗影相 hahaha 大家自己意會下~）
生日快樂字句
0 瀏覽
0 讚好
0 留言
總括而言呢次初體驗真係十分唔錯！環境又好、啲staff又好客、食物質素又高！一定會再返嚟食！
張貼
