名苑酒家

營業中

休息中

一直都好鍾意食乳鴿，但係而家酒樓嘅質素好參差，而且價錢都唔平，見到有人介紹呢度嘅乳鴿買一送一，咁就一於嚟試吓啦。第一次嚟啟德體育館，估唔到呢度嘅環境好優美，而且仲有落地大玻璃，感覺好似高級酒店餐廳。本身就係為咗乳鴿先嚟，所以一坐低就叫啦。見到隔離全部都有食乳鴿，而且佢嘅份量好多，賣相都整得好精緻。乳鴿皮整得好脆，而且肉嫩滑，呢個價錢性價比真係好高，如果唔係叫咗其他餸都想再叫多一個嚟食呀。另外我哋仲叫咗脆皮燒雞，差唔多有半隻雞，而且雞皮好脆，肉質又係好嫩滑，非常推薦大家都試吓。原個冬瓜盅做緊優惠，咁就梗係試吓啦。佢嘅冬瓜盅好大，我哋四個人一人飲咗兩碗都仲有剩，而且裏面有好多材料，有瑤柱同埋蝦，呢個價錢真係一流啊。好少酒樓，有得食法式焦糖燉蛋，同埋佢嘅價錢好平平朋友就叫咗一個嚟試。估唔到咁出色，好適合作為中菜最後嘅甜品結尾。