影片
更多
2021-06-14
1096 瀏覽
多謝好姊妹帶我黎呢間咁正嘅酒店同我慶祝生日🥰，呢度嘅afternoon tea長期爆滿，平日都要一個月前book定架！🤪好鍾意呢度嘅環境，空間感十足，有天然光線，好舒服，我地坐喺大大嘅梳化度享受下午茶，超relax🍹☀️。職員服務態度非常好，由選擇茶葉到食物佢哋都會好貼心咁逐一介紹。花茶我揀咗Egypt, 因為有洋甘菊甜甜地，加上菊花、千日紅，泡出黎嘅粉紅色好靚💕。甜點鹹點都係的的骰骰嘅，賣相非常精緻🍰🥯，每人可以喺食物車度各揀四款甜點同四款鹹點，我自己就比較鍾意食甜點多啲，印象深刻嘅係Dark Heaven有鹹味嘅焦糖、濃濃朱古力醬嘅朱古力餅，味道濃郁複雜好特別，The Rose Ring有滑滑奶凍加上荔枝肉同玫瑰啫喱好靚打卡一流，其他甜點都唔錯，入面有唔同嘅餡料，食落豐富有層次亦都唔甜。最開心嘅係生日嗰位可以有多兩件甜點享用架（不過就冇得揀嘅）🤩。鹹點就一般，比較大路嘅The King of France有鵝肝醬所以我特別鍾意。鬆餅暖暖嘅，外脆內軟，搽上至match嘅clotted cream已經好好食😋，失望嘅係啲jam只係有甜味，食唔出有唔同果味就有啲可惜啦！因為係平日嘅關係我哋
好鍾意呢度嘅環境，空間感十足，有天然光線，好舒服，我地坐喺大大嘅梳化度享受下午茶，超relax🍹☀️。職員服務態度非常好，由選擇茶葉到食物佢哋都會好貼心咁逐一介紹。
花茶我揀咗Egypt, 因為有洋甘菊甜甜地，加上菊花、千日紅，泡出黎嘅粉紅色好靚💕。
甜點鹹點都係的的骰骰嘅，賣相非常精緻🍰🥯，每人可以喺食物車度各揀四款甜點同四款鹹點，我自己就比較鍾意食甜點多啲，印象深刻嘅係Dark Heaven有鹹味嘅焦糖、濃濃朱古力醬嘅朱古力餅，味道濃郁複雜好特別，The Rose Ring有滑滑奶凍加上荔枝肉同玫瑰啫喱好靚打卡一流，其他甜點都唔錯，入面有唔同嘅餡料，食落豐富有層次亦都唔甜。最開心嘅係生日嗰位可以有多兩件甜點享用架（不過就冇得揀嘅）🤩。
鹹點就一般，比較大路嘅The King of France有鵝肝醬所以我特別鍾意。
鬆餅暖暖嘅，外脆內軟，搽上至match嘅clotted cream已經好好食😋，失望嘅係啲jam只係有甜味，食唔出有唔同果味就有啲可惜啦！
因為係平日嘅關係我哋可以傾足幾個鐘，盡情享受呢度嘅寧靜舒適嘅環境，真係好開心好治癒😎！
張貼
