鳥福 (已結業)

鳥福 - 紅磡今日同男朋友去咗屋企附近嘅鳥福度食串燒 以前呢棟大廈係酒店黎 我哋間唔時都會去隔離嘅酒樓飲茶 而家轉咗做青年宿舍 亦進駐咗新餐廳鮮魚刺身拼盤 有三款 深海鱸魚 目人狼 鯖魚 三款魚一食落口就已經知道係非常新鮮 完全唔會有腥味而係好清嘅鮮魚味 尤其鯖魚最令我驚喜 本身條魚帶點油脂好甘香 點埋醋食好易入口汁燒雞頸肉 雞頸肉爽彈 而且個汁好惹味豬皮串揚 呢個都係第一次食 佢係豬皮加埋類似火腿包咗炸漿炸而整成嘅天婦羅 口感都幾特別人氣鹿兒島和牛炒飯 鐵板上 嚟到會淋上黑椒汁 鐵板夠熱 啲汁一灑上就會聽到咋咋聲 而且做到有飯焦好香口 炒飯粒粒分明 即使本身已經飽咗九成都不自覺食曬成碟另外店員話呢間餐廳其實同同層另一間上海茶酒樓雪園會館係同一集團 所以如果你想食多啲種類嘅食物或者食食下串燒覺得悶 都可以喺隔離餐廳嗌啲上海菜過嚟食 下次我都想試下食住小籠包飲Cocktail食串燒 哈哈#相機食先 #手機食先 #foodie #food #foodpic #foodphoto #yum #yummy #delicious #tasty #hkfood #香港美食 #美食 #串燒 #鳥福