94
21
17
等級4
2009-07-13 183 瀏覽
阿姨約我地黎呢度打邊爐,佢話之前同同事黎打過,覺得幾好食,所以今次約埋我地一家。一行7人。七點鐘去到,人不多。一坐低就開始混醬,有9配醬料,有麻油、麻醬、辣椒圈、生蒜、白醋、芫茜、炸蒜等。叫咗都幾多野食,飽到不得了!湯底要了蕃茄牛腩窩,很捧!!!勁多蕃茄、洋蔥同牛腩,湯底好甜!牛腩,也有點牛筋,超淋滑,絕不鞋皮、也絕不會黐牙。牛脷一碟份量不多。切得好薄,口感稍遜。沒有雪味,但牛味不重。牛頸脊失望之作!知呢間野出名係鬆軟可口的牛頸脊,所以打孖叫咗2碟 ($138 @)。點知極失水準。一上枱已知唔對路。勁瘦,完全無肥膏。無肥,所以口感好鞋,完全唔係鬆軟,唔係入口即溶。見唔係咁好食,於是問個阿姐,有無邊隻再靚D嘅牛肉。佢嘅答案係:「你地呢隻最靚架喇!」真係滴汗囉!鯇魚件:我無食黑豚肉片推介!味道很好!比牛頸脊好味。肥瘦均勻,且很有肉味。入口肉味即湧出來。一碟好似成六十幾蚊,只得8片,都幾值錢!手打蝦丸 + 手打牛丸 + 手打墨丸所有丸類的通病都係質地太實。打得唔夠鬆,肉打得實得得的。牛丸有淡淡的陳皮味,牛肉味亦很濃。墨丸墨魚粒不夠,味道極淡,完全吃不出墨魚味。蝦丸相對較好,味道濃郁,用很多鮮
更多
阿姨約我地黎呢度打邊爐,佢話之前同同事黎打過,覺得幾好食,所以今次約埋我地一家。
一行7人。七點鐘去到,人不多。
一坐低就開始混醬,有9配醬料,有麻油、麻醬、辣椒圈、生蒜、白醋、芫茜、炸蒜等。

叫咗都幾多野食,飽到不得了!
湯底要了蕃茄牛腩窩,很捧!!!

勁多蕃茄、洋蔥同牛腩,湯底好甜!
牛腩,也有點牛筋,超淋滑,絕不鞋皮、也絕不會黐牙。

牛脷

一碟份量不多。
切得好薄,口感稍遜。
沒有雪味,但牛味不重。

牛頸脊
失望之作!

知呢間野出名係鬆軟可口的牛頸脊,所以打孖叫咗2碟 ($138 @)。
點知極失水準。一上枱已知唔對路。
勁瘦,完全無肥膏。

無肥,所以口感好鞋,完全唔係鬆軟,唔係入口即溶。
見唔係咁好食,於是問個阿姐,有無邊隻再靚D嘅牛肉。
佢嘅答案係:「你地呢隻最靚架喇!」
真係滴汗囉!

鯇魚件:我無食

黑豚肉片
推介!味道很好!
比牛頸脊好味。
肥瘦均勻,且很有肉味。
入口肉味即湧出來。
一碟好似成六十幾蚊,只得8片,都幾值錢!

手打蝦丸 + 手打牛丸 + 手打墨丸
所有丸類的通病都係質地太實。
打得唔夠鬆,肉打得實得得的。
牛丸有淡淡的陳皮味,牛肉味亦很濃。
墨丸墨魚粒不夠,味道極淡,完全吃不出墨魚味。
蝦丸相對較好,味道濃郁,用很多鮮蝦打成!

各式丸類釀鮮菇
丸類同散叫的一樣。
不過鮮菇好似無洗過咁,個邊仲黑黑地,仲有沙添!
可以不試。

魚麵
係鯪魚麵。
麵呈淺灰色,不過味道有點腥。
而且有碎骨,麵條也不彈牙,可以不叫!

鱔條
從來不好鱔的我,都試咗一條。
好爽口,肉質彈牙!
味道鮮甜!

珊瑚蚌
勁奇怪!酸架!
唔知點解個味會咁奇怪。但聞落又無異味。
入口還帶點 "saan",食完條脷仲有點痺,好在之後無肚痛!

鵝腸
超肥呀!肥膏多得嚇人。
要用筷子夾走晒先敢放落水。
淥完之後縮晒水,勁細條,似雞腸/鴨腸多d囉!

黑柏葉
質素麻麻,柏葉外層的黑皮層有些已剝落,而且色澤也不夠深。
只要淥十秒就食得!otherwise韌到咬唔到。

水餃拼雲吞:
水餃幾大隻,有蝦、豬肉同木耳絲。皮薄料多,較雲吞好吃。
雲吞散尾處較實,味道一般。

稻庭烏冬:
超正!係用乾扁身烏冬,預先煮熟,所以上枱時黐到一pat pat。
不過一放落水就散開。
超好味,好滑、好煙韌,但絕不能煮過久,否則會太淋。
重點係個湯,配埋個湯一齊食簡直一絕。
湯底鮮甜,也帶點蕃茄的酸味,加埋烏冬一齊食,真係食唔停口!

邊爐後的湯底絕不能放過。
冒住燥熱的危機,飲咗兩碗湯。
好甜,好夠濃!
粉腸 + 鱔條
87 瀏覽
0 讚好
0 留言
牛頸脊
69 瀏覽
0 讚好
0 留言
鯇魚+鱔
70 瀏覽
0 讚好
0 留言
蕃茄牛腩窩
62 瀏覽
0 讚好
0 留言
牛脷
49 瀏覽
0 讚好
0 留言
各式丸類釀鮮菇
55 瀏覽
0 讚好
0 留言
黑豚肉片
73 瀏覽
0 讚好
0 留言
魚片 + 雲吞拼水餃 + 黑柏葉
59 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
人均消費
$286 (晚餐)
推介美食
粉腸 + 鱔條
鯇魚+鱔
蕃茄牛腩窩
黑豚肉片
  • 蝦丸、蕃茄牛腩窩、黑豚肉片、水餃、稻庭烏冬