影片
更多
2018-07-12
268 瀏覽
今晚屋企冇煮飯，就落咗嚟京都薈食晚飯。 之前有個蛇宴餐其實幾抵食，但今晚我地只係要在一般嘅家常小菜。先叫咗個前菜素鵝，我開頭以為素鵝入面仲會有啲菇同紅蘿蔔絲，但呢度嘅素鵝係全腐皮。跟住係例牌嘅乳豬，皮好脆，不過肥咗少少，無肉食。跟住係孖寶，煎蝦碌同埋薑葱廣島蠔煲。 蝦嘅 size 都幾大隻。而廣島蠔煲就有六至七隻蠔左右。 鍾意食蠔嘅我就覺得唔夠啦。 呢兩個孖寶夾埋都係先係$198，好抵食。金銀蛋白菜，可能白菜唔啱時令，老咗少少。另外想讚下呢度嘅環境， 由於前身係戲院嘅關係，所以呢度樓底好高，無一般酒樓嘅壓迫感。另外由於晚飯時段唔係full house，所以服務員嘅服務態度都非常唔錯。四大一小，埋單$505。
先叫咗個前菜素鵝，我開頭以為素鵝入面仲會有啲菇同紅蘿蔔絲，但呢度嘅素鵝係全腐皮。
跟住係例牌嘅乳豬，皮好脆，不過肥咗少少，無肉食。
跟住係孖寶，煎蝦碌同埋薑葱廣島蠔煲。 蝦嘅 size 都幾大隻。
而廣島蠔煲就有六至七隻蠔左右。 鍾意食蠔嘅我就覺得唔夠啦。 呢兩個孖寶夾埋都係先係$198，好抵食。
金銀蛋白菜，可能白菜唔啱時令，老咗少少。
另外想讚下呢度嘅環境， 由於前身係戲院嘅關係，所以呢度樓底好高，無一般酒樓嘅壓迫感。另外由於晚飯時段唔係full house，所以服務員嘅服務態度都非常唔錯。
四大一小，埋單$505。
張貼
