香港麗晶酒店 大堂酒廊

營業中

休息中

改返名之後第一次去，聖誕節晚上睇完Show 行過去諗住飲杯嘢。可能太夜只有飲嘢同簡單食物。 我叫咗杯Cocktail，佢會俾埋橄欖同埋果仁，啲果仁好好味，啲橄欖係大粒嗰種唔算太鹹。 另外仲叫咗個炸魚薯條，炸魚好味粉好薄。 薯條就係一般酒店食到嘅好味薯條。 當然最舒服就係個大海景，仲要係聖誕節夜晚見到對面嘅夜景，燈光比較昏暗但係舒服。 員工笑容滿面感覺親切有禮貌。 其實裝修改名後同以前個佈局都差唔多。當晚大堂餐廳冇咗現場音樂，唔知係因為我太夜去定係轉咗名之後而家冇咗現場音樂，下次去再睇吓。