影片
更多
2025-04-14
138 瀏覽
其實潮州野都真係幾好食，又啱香港人口味，呢日就約埋朋友收工黎呢度食飯。餐廳係朋友搵，因為朋友話要去油麻地買啲野，而且條街人流冇旺角咁迫，非常好。 一入餐廳，有2部超級大電視，真係好正，仲要好高清。餐牌上好多野揀。 都想食，兩個人叫左三樣野。 滷水鵝（例牌）朋友話食潮州菜點可以唔食滷水鵝，我都覺得係，好彩可以點例牌，兩個人都食到。滷水味香，鵝肉柔軟，油脂香卻不會肥，啱啱好。底下用豆腐墊住，吸收哂滷水汁很滋味，豆腐豆味香。 金銀蛋浸時菜諗住一餐飯點都要食返個菜健康啲，不過原來都好高質，職員話有娃娃菜，菜心同白菜仔揀，我地就揀左菜心。菜切了頭尾段，保留最新鮮和嫩口部份比客人食。而且個湯都可以飲埋，好好味，雖然係金銀蛋，但不會過咸，而且金銀蛋份量都多。 籠仔蒸飯 豉汁蒸白鱔飯可以轉炒飯底不需額外收費，當然轉啦，炒過嘅飯更粒粒分明，仲有蛋香，感受到師父嘅功架，而且吸收了豉汁的香氣和白鱔的鮮味，非常開胃，白鱔的肉質嫩滑之餘亦好彈牙，帶有鮮甜味，非常高質。 呢間餐廳都幾抵食，份量比我地相像中多，而且今次點呢幾道菜全部都好好味，下次叫埋屋企人黎試其他菜式，多啲人先可以再試多野野。而且餐廳座位闊落，都幾
一入餐廳，有2部超級大電視，真係好正，仲要好高清。餐牌上好多野揀。 都想食，兩個人叫左三樣野。
滷水鵝（例牌）
朋友話食潮州菜點可以唔食滷水鵝，我都覺得係，好彩可以點例牌，兩個人都食到。滷水味香，鵝肉柔軟，油脂香卻不會肥，啱啱好。底下用豆腐墊住，吸收哂滷水汁很滋味，豆腐豆味香。
金銀蛋浸時菜
諗住一餐飯點都要食返個菜健康啲，不過原來都好高質，職員話有娃娃菜，菜心同白菜仔揀，我地就揀左菜心。菜切了頭尾段，保留最新鮮和嫩口部份比客人食。而且個湯都可以飲埋，好好味，雖然係金銀蛋，但不會過咸，而且金銀蛋份量都多。
籠仔蒸飯 豉汁蒸白鱔飯
可以轉炒飯底不需額外收費，當然轉啦，炒過嘅飯更粒粒分明，仲有蛋香，感受到師父嘅功架，而且吸收了豉汁的香氣和白鱔的鮮味，非常開胃，白鱔的肉質嫩滑之餘亦好彈牙，帶有鮮甜味，非常高質。
呢間餐廳都幾抵食，份量比我地相像中多，而且今次點呢幾道菜全部都好好味，下次叫埋屋企人黎試其他菜式，多啲人先可以再試多野野。而且餐廳座位闊落，都幾舒適。
張貼
