Anjappar Chettinad Indian Restaurant

營業中

休息中

同朋友大概12:30pm黎到呢間印度餐廳，間餐廳都幾大，成餐都坐得好舒服，一入到黎waiter已十分好客地招呼，話坐邊都得嗌左兩個飯，一個甜品，分別係辣雞肉炒飯，泰國菠蘿炒飯，同埋粗麵粉甜軟丸。辣雞肉炒飯睇落細細碗原來都幾飽肚，最後食唔晒呀！雖然係用雞肉，雜菜，雞蛋炒既好普通炒飯，但加埋個醬汁就唔同晒～本來個飯微辣，本來我仲奇怪印度菜竟然咁清淡，但撈埋個醬再食，酸酸地辣辣地好開胃！飯炒到粒粒分明又香口，雞肉又嫩滑，真係會一啖接一啖咁食唔停！泰國菠蘿炒飯同辣雞肉炒飯個感覺差唔多，更加清淡，但落左個醬再食就會好好食。值得提既係D菠蘿好香好甜，同其他餐廳食既唔同，好鍾意個飯乾爽既口感！原本上既甜品，係類似椰汁味既野，我覺得唔係幾似甜軟丸，所以問下waiter呢個甜品係咪我地order既，結果佢上返我地嗌既甜軟丸佢應該係出錯左，但waiter都好有禮貌咁話唔好意思，咁就比我地食多樣野，好開心。兩樣甜品都幾甜，濕濕地咁，好有特色。