影片
更多
2022-08-24
92 瀏覽
食泰菜大家會諗起九龍城，但嚟到市區大商場亦有得獎現代泰菜，包埋靚靚環境俾你打卡，又係另一種味道呢！坐低先有蝦片食，脆卜卜帶點胡椒味，幾香口好易食唔停～食泰菜必點嘅生蝦，有成十隻唔洗爭；生蝦新鮮彈牙，加埋辣椒、蒜片、海鮮酸辣汁先perfect！豬頸肉邊位微燶燒得幾靚，個汁可能混合咗羅望子醬所以帶少少甜味，點埋醬汁惹味得嚟又唔膩；青木瓜沙律唔辣但爽口開胃。菠蘿炒飯粒粒分明呈均勻嘅金黃色，除咗面頭開半嘅大蝦外，仲有小粒帶子青口同新鮮菠蘿粒，撈埋肉鬆一齊食更好味。而家嘅天氣最啱飲沙冰，三款沙冰類特飲都標榜100%鮮果製造。今次試咗少見嘅菠蘿薑汁，新鮮菠蘿汁有天然嘅甜味，薑汁唔辣比想像中易入口，飲落好清新～
食泰菜大家會諗起九龍城，但嚟到市區大商場亦有得獎現代泰菜，包埋靚靚環境俾你打卡，又係另一種味道呢！
坐低先有蝦片食，脆卜卜帶點胡椒味，幾香口好易食唔停～
食泰菜必點嘅生蝦，有成十隻唔洗爭；生蝦新鮮彈牙，加埋辣椒、蒜片、海鮮酸辣汁先perfect！
豬頸肉邊位微燶燒得幾靚，個汁可能混合咗羅望子醬所以帶少少甜味，點埋醬汁惹味得嚟又唔膩；青木瓜沙律唔辣但爽口開胃。
菠蘿炒飯粒粒分明呈均勻嘅金黃色，除咗面頭開半嘅大蝦外，仲有小粒帶子青口同新鮮菠蘿粒，撈埋肉鬆一齊食更好味。
而家嘅天氣最啱飲沙冰，三款沙冰類特飲都標榜100%鮮果製造。今次試咗少見嘅菠蘿薑汁，新鮮菠蘿汁有天然嘅甜味，薑汁唔辣比想像中易入口，飲落好清新～
張貼
