影片
更多
2019-03-13
1000 瀏覽
今晚一行四人黎到Grand Hyatt steakhouse, 安排左我地坐比較隱蔽的卡座，相比起出面酒吧lounge嘅地方係比較清幽有私隱，絕對適合把酒談心一晚。其實一直掛住傾計食嘢尊重晚餐都冇乜點影相，全晚得一張waiter 幫手既合照，不過都隱約記得叫左啲乜。首先佢係酒吧旁係set左個salad bar 既，有大量前菜沙律，煙三文魚，青口同唔同款式嘅芝士等等俾你選擇。我地叫左garlic bread, crab cake, lobster bisque 同clam chowder, 全部都水準之內。crab cake 其實做得唔錯，絕對唔會係過度加工，蟹肉鮮味十足，口感扎實。黎到扒房就要講返主菜，其實佢應該總共應該大分咗三個層次嘅牛扒，分別係dry aged, usda同wagyu。我地兩pair人開心share, 叫左ribeye同striploin, 兩塊都係usda 叫medium rare，出到黎係絕對合格既，火喉拿捏得準確。其實出街食扒大家都係咁燒咁做法，只要廚師do as one is told 就一定無死。On side 就真心推介truffled fries 同埋
其實一直掛住傾計食嘢尊重晚餐都冇乜點影相，全晚得一張waiter 幫手既合照，不過都隱約記得叫左啲乜。
首先佢係酒吧旁係set左個salad bar 既，有大量前菜沙律，煙三文魚，青口同唔同款式嘅芝士等等俾你選擇。
我地叫左garlic bread, crab cake, lobster bisque 同clam chowder, 全部都水準之內。crab cake 其實做得唔錯，絕對唔會係過度加工，蟹肉鮮味十足，口感扎實。
黎到扒房就要講返主菜，其實佢應該總共應該大分咗三個層次嘅牛扒，分別係dry aged, usda同wagyu。
我地兩pair人開心share, 叫左ribeye同striploin, 兩塊都係usda 叫medium rare，出到黎係絕對合格既，火喉拿捏得準確。其實出街食扒大家都係咁燒咁做法，只要廚師do as one is told 就一定無死。On side 就真心推介truffled fries 同埋creamed spinach。
喺度食飯係開心relax既，五星服務唔洗多講，重點係同朋友聚聚或同情人浪漫一晚絕對係大開心！
P.s. 此乃城中老牌酒店扒房，電話要調教到震機，尊重自己，尊重他人先係美徳
張貼
