影片
更多
2023-08-09
25 瀏覽
將軍澳南有好多唔同菜式嘅餐廳，真係有排試😂 前幾日食咗間好高質嘅泰馬印菜餐廳，食物都幾有驚喜好食！呢度都幾多外國人幫襯，侍應都係外國人～ 環境都幾有情調，每張枱都有盞小燈～ 🍴泰式柚子鮮蝦沙律 $98叫個沙律開吓胃先～柚子份量好多，超足料！有3隻蝦，幾爽口。酸酸哋嘅汁幾開胃！🍴香炸蟹肉粟米餅 $128必食！有4件，比想像中大塊！好香脆但唔算油膩，好多粟米粒，又食到蟹肉，有啲位好似食緊炸軟殼蟹咁，好好食！配泰式甜辣醬一齊食，好惹味😋🍴泰式辣椒膏炒蜆 $158比想像中有驚喜嘅一道菜～ 蜆肉份量都ok，唔算大隻但幾新鮮無沙，用辣椒膏炒好香好惹味，食得辣要試吓啦～ 仲有啲菇同紅黃椒，都好爽口好食！值得一試！🍴馬來牛肉炒面 $128牛肉份量好多，兩個人分每人都有6、7塊！炒麵有少少辣，個汁幾濃味，口味較淡嘅人應該會覺得鹹，重口味人士就會覺得好正啦😂 東南亞食物就係要食濃味啦！炒麵個味道同平時食開嘅幾唔同，味道有啲驚喜，可以試試～🍴芒果糯米飯 $88一定要叫嘅甜品！芒果好甜～ 糯米飯有3球，唔同顏色架！除咗椰汁，仲有椰肉碎喺上面，都幾好食！一間餐廳可以食晒泰馬印菜，都幾正！下次試吓咖喱先，見到都多
將軍澳南有好多唔同菜式嘅餐廳，真係有排試😂 前幾日食咗間好高質嘅泰馬印菜餐廳，食物都幾有驚喜好食！
呢度都幾多外國人幫襯，侍應都係外國人～ 環境都幾有情調，每張枱都有盞小燈～ 
🍴泰式柚子鮮蝦沙律 $98叫個沙律開吓胃先～柚子份量好多，超足料！有3隻蝦，幾爽口。酸酸哋嘅汁幾開胃！
🍴香炸蟹肉粟米餅 $128必食！有4件，比想像中大塊！好香脆但唔算油膩，好多粟米粒，又食到蟹肉，有啲位好似食緊炸軟殼蟹咁，好好食！配泰式甜辣醬一齊食，好惹味😋
🍴泰式辣椒膏炒蜆 $158比想像中有驚喜嘅一道菜～ 蜆肉份量都ok，唔算大隻但幾新鮮無沙，用辣椒膏炒好香好惹味，食得辣要試吓啦～ 仲有啲菇同紅黃椒，都好爽口好食！值得一試！
🍴馬來牛肉炒面 $128牛肉份量好多，兩個人分每人都有6、7塊！炒麵有少少辣，個汁幾濃味，口味較淡嘅人應該會覺得鹹，重口味人士就會覺得好正啦😂 東南亞食物就係要食濃味啦！炒麵個味道同平時食開嘅幾唔同，味道有啲驚喜，可以試試～
🍴芒果糯米飯 $88一定要叫嘅甜品！芒果好甜～ 糯米飯有3球，唔同顏色架！除咗椰汁，仲有椰肉碎喺上面，都幾好食！
一間餐廳可以食晒泰馬印菜，都幾正！下次試吓咖喱先，見到都多人食～～
張貼
