Chilli Lime (MONTEREY Place)

呢間位於將軍澳海邊嘅東南亞餐廳，環境舒適，坐喺出面可以望住海食飯，感覺特別寫意。食物方面選擇多元化，融合咗泰國同印度嘅特色，每道菜分量都唔少，論性價比可以話係幾高。🥢柚子大蝦沙律開頭嗰道柚子大蝦沙律好開胃，酸酸甜甜嘅柚子配上爽口大蝦，食落清新又解膩。份量比想像中多，蝦都幾大隻，唔係得啲裝飾咁簡單。呢道菜用嚟做前菜啱晒，感覺好清爽。🥢牛油雞咖喱配 Naan牛油雞咖喱個汁好香濃，帶少少甜味，唔會太辣，適合唔太食得辣嘅朋友。雞肉煮得入晒味。配埋個 naan 一齊食，真係好滿足。Naan 烘得夠香脆又有嚼勁，一嚿都好大塊，可以分幾次撕嚟點汁食，夠晒過癮。🥢Pad ThaiPad Thai 味道唔錯，炒得夠乾身，唔會油淋淋。花生碎同金不換葉嘅香味加咗好多分，蝦都算大隻。成碟嘢份量十足，一個人食可能會飽晒，兩個人 share 就啱啱好。🥢燒豬頸肉燒豬頸肉係我最鍾意嘅一味，外皮燒得微焦，啖啖肉都有少少油香但又唔覺肥膩，配埋個泰式辣醬真係一流。肉切得厚薄適中，咬落去有口感。🥢椰子雪糕最後試咗個椰子雪糕收尾，清甜唔膩，椰香味好突出，好似用真椰子肉整咁，唔似坊間啲人造味。食完辣嘢嚟一杯，真係有種 chill 晒嘅感覺，仲要有三球咁多…查看更多

係將軍澳海旁踩完單車又開始肚餓，行過呢間餐廳聞到好香。入去坐低見佢嘅餐牌，原來除咗印度菜式仲有泰國菜式。泰式柚子鮮蝦沙律有三隻蝦，估唔到又幾爽口，最鍾意佢啲柚子係搣到大大粒，又甜又水潤，撈埋個泰式醬汁同埋花生嚟食，好食又開胃。Butter Chicken咖哩甜甜地又帶點辣，雞肉都好嫩滑入味。食咖哩點可以唔叫印度薄餅，揀左牛油味，薄餅夠煙靭，點埋啲咖喱食真係好夾。菠蘿海鮮炒飯原個菠蘿上，有魷魚，蟹柳同蝦，飯粒炒到粒粒分明，加埋啲菠蘿粒肉鬆腰果提子乾黎食，大滿足。泰式炒通菜上枱熱辣辣炒得好有鑊氣，仲有超級大碟，調味都做得啱啱好。Mango Smoothie佢係偏向印度口味，奶味比較較重，再加上有啲酸酸地嘅酸奶味，芒果味顯得不太重。Fresh Thai Colada有Coconut Rum, Citrus 加新鮮椰子水整成，以整個椰青上，入口又好濃郁嘅Rum 味，仲有清甜的椰子味。餐廳食物都做得幾好同服務都唔錯，坐得又舒服，佢仲有個戶外位置，我見坐外面都幾Chill。…查看更多

Chilli Lime (21/11/2025)🦐泰式生蝦口感絕對的「鮮」體驗，新鮮的生蝦肉質極其軟嫩、爽滑、彈牙，幾乎是入口即化，帶有膠質的黏稠感，搭配的蒜片和指天椒則提供了強烈的爽脆和刺激感，味道以鮮甜為主，醬汁是關鍵，用大量的蒜頭、指天椒、青檸汁、魚露和薄荷調製而成，味道酸辣嗆鼻，非常霸道，蒜香和辣味直衝腦門，完美地襯托出蝦的鮮美，讓人一吃上癮。🦐泰式柚子鮮蝦沙律柚子的果肉飽滿多汁，顆粒分明，鮮蝦彈牙爽脆，搭配的花生碎、蔥頭則提供了香脆的口感，整體是清爽與香脆的完美結合，風味層次非常豐富，主調是柚子的清甜微酸，與泰式沙律汁的酸、甜、鹹、辣完美融合，蝦的鮮味提升了整體的鮮度，香菜則帶來了清新的尾韻，是一道非常開胃的沙律。🥑泰式米紙素卷米紙外皮柔韌有嚼勁，內裡是各種蔬菜絲（牛油果、紅蘿蔔、青瓜、生菜）的清脆爽口，還加入米粉，增加軟滑的口感，整體感覺非常清爽、無負擔，味道相對清淡，主要依靠食材本身的清甜，美味在於泰式酸甜醬，酸甜醬提供酸爽開胃的風味，濃郁香醇，帶有堅果的鹹甜風味，與清淡的素卷形成絕佳對比。🐔香茅炸雞翼雞翼外皮香酥薄脆，肉質則保持鮮嫩多汁，由將香茅塞入雞翼中，雞肉內部充滿香氣且濕潤，不會乾柴，香茅的獨特檸檬清香非常突出，與魚露、蒜蓉等鹹香調料結合，形成一種鹹、香、鮮的複合風味，吃起來外層鹹香酥脆，內裡則是充滿香茅清香的 juicy 肉汁。🥞酥油薄餅薄餅外皮金黃酥脆，一咬下去會發出清脆的聲響，內部卻又帶有麵粉的柔軟和韌性，口感非常豐富，好味的薄餅帶有輕盈的空氣感，不會過於油膩厚重，味道濃郁奶香和焦香，單純而誘人，配上醬汁，能吸收醬汁的精華，變成一道香甜的點心。🥬鑊仔炒雜菜多種蔬菜的集合，口感多樣化，有芥蘭的爽脆、椰菜花的軟嫩、蘑菇的多汁、紅蘿蔔的硬甜、玉米的清甜、椰菜的軟綿、豆腐卜的外酥內軟，鑊仔炒雜菜上桌時熱氣騰騰，蔬菜邊緣帶有輕微的焦香，味道鹹鮮適中，帶有醬油的醇厚風味和爆炒後的鑊氣，帶出各種蔬菜本身的清甜。🥭芒果糯米飯經典的甜點組合，糯米飯溫熱，軟糯Q彈，帶有黏性，芒果則冰涼，香甜軟滑，幾乎無纖維感，兩者一冷一熱、一軟一糯，在口中形成絕妙對比，味道甜而不膩的典範，白糯米充滿濃郁的椰奶香，黑糯米則帶有更獨特的堅果香氣和微酸，香甜的椰漿淋在飯上，與清新酸甜的成熟芒果一起入口，口感味道豐富。…查看更多

兄弟姐妹們，呢間餐廳 Chilli Lime，真係唔可以睇少佢個名咁cute。表面Pan-Asian，入面其實係 泰國 x 印度 嘅Crossover現場，好似你睇緊《流星花園》但配咗《古惑仔》個BGM咁... 撞到出火🔥！🧨【前菜】Pani Puri｜脆皮炸彈 Ready to Boom 💥一上枱我已經喊：「呢啲係唔係我細個打機啲補血球？」結果唔止補血，仲補咗個胃口。外層係香脆炸空心球入面係薯仔蓉 + 石榴 + 豆豆然後淋落去兩種汁：一個係薄荷香草水，另一個酸酸甜甜辣辣食嘅時候要快，因為如果你猶豫1秒，就會 爆汁炸你衫。但係好味到你會願意洗衫。🥬【配菜】蒜香娃娃菜｜呢碟係你媽媽叫你食菜嘅愛你食完嗰啲咁重口味嘢，突然見到呢碟青綠綠，心諗：「係咪要開始反省人生？」唔洗！呢碟純粹係 清爽解膩、唔太鹹、仲炒得啱啱好，你會突然覺得，原來自己都幾健康（雖然你啱啱食完炸球）🦀【主食】蟹肉炒飯｜海鮮界嘅富二代呢碟炒飯一上枱，我個腦自動响起《海闊天空》。因為佢真係 好闊！有蟹、魚子、青瓜、青檸，但每粒飯都粒粒分明！蟹肉份量唔慳家魚子鋪到成個小山咁撳啲青檸落去，哇，泰味一秒開掛呢碟真係可以單拖做主角，唔洗配戲。🍛【主角】Butter Chicken + Garlic Naan｜成對情侶，唔可以拆開食呢個 combo 就好似你前度同佢新女友咁——你唔想見到，但係又忍唔住望。牛油雞：濃郁奶香 + 番茄微甜，冇得輸Garlic Naan：蒜味濃、熱辣辣、夠煙韌一撕一沾，直接上天堂，不回頭。（不回頭，因為你個手指都係汁）🥥【飲品】Fresh Thai Colada｜椰青界嘅社交平台 Influencer 🌴📸你未飲已經想打卡，點解？因為：椰青上面有蘭花 + 紙傘 + 檸檬入面唔係死甜，而係 椰香 Chill 爆飲完你會想唱一首《Summer Paradise》好似坐咗喺布吉個沙灘——雖然你只係喺將軍澳。🧾【總結】Chilli Lime = 泰印戀愛劇場如果你想食得有少少 exotic，又唔想完全走火入魔，呢間餐廳就係你嘅 香料安全地帶。有印度嘅香，有泰國嘅清新食物外貌值高，味道亦有交代最緊要係 你可以食到唔同文化之間嘅「情感交流」📌 Jokebear推介指數：🌶️🌶️🌶️🌶️🌶️／5食完你會話：「我唔係食咗餐飯，我係行咗趟文化旅程。」😌…查看更多

最推介Lamb Curry ，夠哂正常，烤餅好食過好多印度餐廳，個咖喱汁無論係配烤餅定係撈飯都出色到不得了，包你成碗汁食哂冇得淨🤣船麵都幾好食，個湯底同佢泰國食嗰啲真係好似。唯一美中不足係碗麵得一條豬骨，如果可以俾多兩三條會合理d……最後，由於午餐買二送一，所以我哋嗌咗頭先嗰兩個餐之後再叫多一個，呢個係最貴，但係最失望！$118鮮蝦粉絲煲！普通基圍蝦，粉絲正常。咖啡☕️奶另上前菜沙律🥗可省略😅…查看更多