影片
電話號碼
22460055
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
有關獎賞計劃
相關文章
上次同fd去將軍澳澳南海岸發現果度有好多野食，今次同再去發掘下，就去左Chilli Lime！⭐泰式柚子鮮蝦沙律嘩！一上枱已經覺得好靚，啲柚子肉又大舊，啲蝦又大隻，真係好足料！食落口，啲蝦爽口又彈牙，個汁酸酸咪咪，好開胃，入面仲有花生同洋蔥，增加口感，正呀👍！⭐泰式生蝦生蝦嚟啦！可以跟埋紫蘇葉、蒜頭同埋辣椒一齊食，睇你鍾意點樣配搭，食落去真係別有一番風味！仲可以點埋個辣辣地嘅汁，更加惹味！啲生蝦又厚肉又爽口，正👍！⭐脆炸薄圓球呢個脆炸薄圓球好得意！薄脆裏面有啲薯仔蓉，仲有兩個汁可以自己加，一個汁嘅味有啲似點生蝦嘅汁，不過冇咁辣，另一個汁就酸酸甜甜，仲有啲脆卜卜嘅粒粒可以加埋落去，自己DIY，又好玩又好食😋！⭐傳統咖喱羊肉呢個咖喱羊肉真係好足料！勁多羊肉，好抵食！啲羊肉味又唔會太騷，就算平時唔太鍾意食羊嘅朋友都食到！而且啲羊肉食落好冧，咖哩汁又夠香濃，為咗個咖哩汁，我哋仲特登嗌咗份烤餅嚟點添😋！⭐烤餅(蒜蓉)呢個烤餅都好抵食！睇得出係加咗蒜蓉去烤嘅，一份有三大塊，我就用嚟點埋個咖哩汁，真係一流，正👍！⭐Refresh Your Mind估唔到同個menu嘅相一樣樣😍！呢杯嘢飲一飲落去就覺得好fresh，好解渴、解膩、解辣，食泰國嘢啱晒！⭐Fresh Thai Colada呢杯酒味會出啲😋，起碼飲得出自己飲緊酒，仲有淡淡嘅椰青水味，兩樣嘢好夾，好正👍！
繼續閱讀
打完牌夠鐘食晚飯，唔想食大集團，行去海邊睇吓就見到呢一間食印度同泰國料理嘅餐廳😳見到佢做緊特價，所以就入咗去食啦-餐廳有室內同室外嘅位置，我哋四個女仔怕煙味，所以揀咗坐室內，侍應都係外籍人士，全部都好Nice👍🏻🌟Grilled Beef Salad 烤牛肉沙律 $138牛肉烤到7成熟，切片後撈埋紅蔥頭、南薑同芫荽等等，再淋上調製嘅酸辣汁。牛肉除咗頭尾嗰兩嚿之外，中間唔會好韌，呢個熟成度我都幾鍾意，而且牛味好濃，份量都幾多，不過啲蔬菜我就唔係好食到🤣完全係似烤牛肉多過似沙律 🌟Roti Canai 酥油薄餅 $38事關我哋呢枱有一個碳水控🤣所以叫咗三個薄餅🤣酥油薄餅外脆內酥，帶啲甜味，就咁食都好食🥰🌟Naan 正宗烤餅 $38外脆內軟，煙煙韌韌🌟Garlic naan 蒜蓉烤餅 $38面頭搽滿蒜蓉牛油，不過蒜味唔係好濃，呢款相對脆啲-三款烤餅蘸咖喱冇得彈，而且每一份都好大份，超正🥰🌟Phad Thai chicken 泰式雞肉炒金邊粉 $128鑊氣十足，金邊粉彈牙唔黐埋一齊，賣相唔係紅紅地嘅顏色，不過味道對板，都係酸酸地，配料有雞肉、青檸、辣椒粉同花生碎，可以根據喜好自己調配🌟Butter Chicken 牛油雞咖喱 $148每次食親印度嘢都會一定叫🤣🤣咖喱汁落足奶油同牛油，口感香濃而不辣，好適合配薄餅！雞肉醃得入味，煮到好腍✨🌟飛天通菜 $98鑊氣爆棚嘅飛天炒通菜，用蒜片同辣椒爆炒，非常爽脆，而且都幾大碟👍🏻🌟Tom Yum Soup 冬陰功湯 $0點解會係$0呢，就係因為餐廳做緊優惠啊，只要叫兩個主食，就會送一個前菜-我哋揀咗炒金邊粉同埋牛油雞，於是就送咗前菜入面嘅冬陰功湯啦😍（雖然我都唔知點解佢係屬於前菜🤣）-湯底用香茅、檸檬葉同南薑熬製，加咗草菇同大蝦，酸酸辣辣嘅味道都係好Fit香港人嘅口味👍🏻好啱飲👍🏻
繼續閱讀
啤酒買一送一‼️食東南亞菜都可以又chill又有氣氛🤗#青咖喱雞 🌶️🍲🐥❣️青咖喱好香濃好惹味🤤可以揀雞或牛～有椰香微微辣🌶️送飯或薄餅都岩～HKD148#油酥薄餅 ❣️油酥餅夠酥脆～帶少少微甜😌可以再鬆化啲😛HKD38#蒜蓉薄餅 🧄❣️Garlic Naan 每次食咖喱必點😌fafafoodie 好鐘意外脆內軟熟煙韌😍就咁食已經好好食😊點咖喱都好正呀HKD38#串燒沙嗲 🍢要左豬牛雞各2串😗最鐘意都係沙爹雞😚沙爹燒得香口～香茅味幾出～如果juicy啲就perfect😛HKD128#越式炸春卷 🫔春卷皮比平時既越式炸春卷多左種煙韌感😎入面包住好多豬肉～HKD98#芒果糯米飯 🥭❣️朋友仔勁鐘意芒果糯米飯😙芒果香甜～糯米飯熱辣辣又軟熟👍🏻仲有3款糯米😌誠意之作🤤HKD88#啤酒 🍻❣️見到啤酒買一送一🤩忍唔住飲返杯😝本身想叫1664可惜賣晒～Asahi照殺‼️冰凍爽～HKD88 鐘意呢度有chill chill感覺令人好放鬆～同場見播happy birthday 慶祝生日呢🥳加一服務費#chillilime#fafafoodie_將軍澳
繼續閱讀
這家餐廳最近推出買兩份主菜送頭盤，也有優惠小食和甜品，豐富滋味一次滿足 。🔸 牛油雞咖喱咖喱醬汁濃郁，帶有微微的牛油香氣，雞肉嫩滑入味，搭配烤得香脆的 烤餅蘸著吃，非常過癮。咖喱的辣度適中，不會太刺激，適合喜歡溫和風味的人。 🔸 泰式炒河粉河粉配料豐富，有蝦、蛋、豆乾和花生碎，酸甜鹹香平衡得剛剛好。擠上青檸汁後更開胃。泰式青木瓜鹹蛋沙律青木瓜沙律配料很豐富，除了爽脆的木瓜絲，還有粟米、大蝦、車厘茄和魷魚，頂層鋪上鹹蛋黃，增添鹹香層次。醬汁酸辣醒胃，作為前菜非常適合，辣勁十足。🔸 泰式蝦餅外皮炸得金黃酥脆，內餡蝦肉彈牙，蘸上甜辣醬更惹味。🔸 芒果糯米飯芒果香甜多汁，三色糯米飯軟糯，淋上椰奶後味道更濃郁。這裡的版本做得不錯，飯不會過硬或過黏，甜度也適中。 🔸 Virgin Mojito無酒精版本，薄荷和青檸的清新感十足，加上少許黃糖調味，喝起來清爽解膩，適合搭配濃味的泰國菜。 酒精版，無酒精版比較好喝喔。
繼續閱讀
今日天氣谅谅地， 我哋又踩單車經跨灣大橋出將軍澳，好舒服， 踩到將軍澳停低架車去搵食，經過d 間餐廳， 裝修唔錯， 幾有氣氛， 又係我鍾意食嘅泰國嘢，就走咗入去試吓.食物選擇多， 好多野都想叫， 價錢合理.泰式生蝦： 好耐無食， 見到即叫， 生蝦夠凍， 上盤時 生蝦下面仲舖滿冰， 慢，連埋蒜片一切齊食好滿足😋😋😋泰式柚子鮮蝦沙律： 柚子鮮甜多汁，份量多， 蝦隻隻都大隻彈牙， 食落好開胃椰子雪糕： 超級香濃椰子味，椰子味好出， 還配有椰子味旦卷，滿有泰國特色
繼續閱讀