嵐月 (AIRSIDE)

營業中

休息中

第一次去嵐月，見到環境幾靚幾乾淨，就入去試下個chef tasting menu 埋單人頭over $800，份量少到一個女仔食完都好似食左個寂寞咁，前菜細份都合理嘅，主菜係一隻蝦，兩舊雞，兩舊勝瓜同兩啖飯，雀仔胃不防黎試下，上完個前菜先話俾你知個主菜24小時慢煮牛肋骨冇哂，然後搵兩舊鞋口雞肉頂上，上菜慢到好似食緊法國菜咁差唔多食左成兩個鐘，味道不過不失，又冇食評講到咁高質同非試不可，除非你只係為左黎打卡。由入門到埋單果一刻，得過黎埋單個員工笑笑口之外，其他經理侍應全程都係黑口黑面冇水洗面，你問佢野一句起兩句止，好似爭佢錢咁🤦🏻‍♀️尤其是啲男經理👨‍💼想做高檔餐廳唔該請啲有禮貌嘅員工，都睇得出廚房都好用心做啲特別嘅中餐🥢但俾班前線嘅侍應同經理搞到禍哂，幾好味都背脊骨落，一定唔會再有第二次嘅幫襯。