樂天皇朝 (雅蘭中心)

營業中

休息中

之前時不時都會嚟呢間上海餐廳食嘢，今次係我第一次喺佢裝修完之後再光臨，門面同內部環境有大幅改善，令人耳目一新，至於員工服務態度亦都改善咗。由於我哋夜晚要食大餐，所以我同另一半午餐都唔係叫咗好多嘢，我哋只係叫咗一份樂天王朝八味小籠包、酸辣湯拉麵以及一客淨雲吞。個小籠包嘅手工係唔錯，但係好多時都食唔出嗰個小籠包應該代表嘅味道(例如基本上係食唔出有鵝肝或者蟹粉味道)，至於個淨雲吞就中規中矩。最後個酸辣湯拉麵我就唔收貨嘅，麵質一般，至於無論個色香味都冇佢嘅競爭對手(翡翠X X 小籠包)咁好。兩個人三樣食物，最後唔使$400 ， CP值就還好啦。