山洞食堂

營業中

休息中

📍The Southside 2樓嘅韓國烤肉餐廳，見到門口嘅韓牛餐牌已經好吸引，環境氣氛都唔錯，揀咗新出嘅Gung Premium Set ($788/2人)試一試。前菜會有豆腐海苔沙律同燉牛筋牛舌，牛舌燉得好入味同軟稔，再加埋南瓜同白蘿蔔食落帶清甜味。燒肉入面包咗和牛肩肉盛、和牛外裙肉同黑毛豬五花肉。韓國和牛肩肉脂肪比例冇日本和牛咁多，但係肉味好香濃，咬落去有啲嚼口，沾埋醬油蛋黃醬或者泡菜食更加正！另外海鮮會有一份帶子牛油燒，喺爐入邊可以睇住奶油狀嘅牛油慢慢溶化索晒入帶子入邊～主食可以揀牛肉大醬湯或者水冷麵，揀咗水冷麵份量都幾多食唔晒。最後仲有份巴斯克芝士蛋糕，覺得三個人食呢個餐再嗌多碟肉都幾夠飽。