影片
更多
6天前
667 瀏覽
上次嚟到The One嘅「海賀」食鐵板燒，見到同層嘅「Harlan's」有啲晚市套餐，確喺幾吸引，加上佢哋本身都幾有名氣，故此，呢晚就走訪一試。門面已有一種非常高級嘅感覺，而走到室內嘅用餐區，因為地方大，樓底特高，加上枱櫈並無排到好密，所以，空間感十分強，加上一整排落地玻璃窗，更加令環境整體嘅感覺開揚，從而就算坐晌裡面，一樣有少少夜景襯托。再者，晌柔和嘅燈光下，同枱上嘅燭光，可以講氣氛十足，情調滿滿，好適合嚟慶生或者食紀念飯。此外，餐廳外仲有L長型露天位，可謂座擁270度香港瑰麗夜景，而外邊嘅位以茶几枱及高腳枱為主，比較適合睇住靚景小酌幾杯，不過，都有少量餐枱，方便進餐。雖然散點有好多選擇，咁當然套餐就更加划算，佢哋晚市有個Tasting Menu，分為3道菜（$788）、4道菜（$888）、6道菜（$1,188）， 前菜有4款選擇，主菜有3款選擇，甜品就有2款選擇，咁其實點玩法呢？例如你揀3道菜，好正常就喺前菜+主菜+甜品各類別揀1道菜嘅組合；如果你揀6道菜，可以晌餐牌上自由組合6道菜，例如4前菜+2主菜、2前菜+3主菜+1甜品……，只不過當揀超過1道主菜時，主菜嘅份量會作出相對調整
門面已有一種非常高級嘅感覺，而走到室內嘅用餐區，因為地方大，樓底特高，加上枱櫈並無排到好密，所以，空間感十分強，加上一整排落地玻璃窗，更加令環境整體嘅感覺開揚，從而就算坐晌裡面，一樣有少少夜景襯托。
再者，晌柔和嘅燈光下，同枱上嘅燭光，可以講氣氛十足，情調滿滿，好適合嚟慶生或者食紀念飯。
此外，餐廳外仲有L長型露天位，可謂座擁270度香港瑰麗夜景，而外邊嘅位以茶几枱及高腳枱為主，比較適合睇住靚景小酌幾杯，不過，都有少量餐枱，方便進餐。
雖然散點有好多選擇，咁當然套餐就更加划算，佢哋晚市有個Tasting Menu，分為3道菜（$788）、4道菜（$888）、6道菜（$1,188）， 前菜有4款選擇，主菜有3款選擇，甜品就有2款選擇，咁其實點玩法呢？例如你揀3道菜，好正常就喺前菜+主菜+甜品各類別揀1道菜嘅組合；如果你揀6道菜，可以晌餐牌上自由組合6道菜，例如4前菜+2主菜、2前菜+3主菜+1甜品……，只不過當揀超過1道主菜時，主菜嘅份量會作出相對調整而已，呢個構思具彈性又幾好玩。
乾式熟成雞胸鵝肝卷、大葉醃漬本菇、脆雞皮雖然餐牌已對菜式作大量描述，不過，嚟到總有意想不到嘅賣相。先一口氣分享4道前菜，呢一道鵝肝卷最特別喺裡面釀咗啲雞胸肉，令到個口感既有鵝肝嗰份粉嫩口感，又有雞胸嗰份柔嫩口感，喺好有趣嘅配搭，而上面嘅醃漬本菇鹹香惹味，加埋啲香口嘅脆雞皮，確有種錦上添花之效
酸橘汁葉牡丹蝦刺身、指橘蜜糖山葵汁以暗花透明玻璃碟盛載住兩件牡丹蝦，第一個感覺就有種鯉躍龍門嘅感覺，非常之精緻，牡丹蝦刺身唔單止單單得隻蝦，面頭仲加咗啲卜卜脆蟹籽，而牡丹蝦味道鮮甜，帶有獨特嘅黏糯口感，旁邊嘅小綠葉更沾上酸橘汁，千祈唔好唔食埋佢。中間嘅指橘蜜糖山葵汁，做得輕柔，味道酸酸甜甜，又帶啲辣，非常過癮。
酸橘汁葉牡丹蝦刺身、指橘蜜糖山葵汁
0 瀏覽
0 讚好
0 留言
日本帝王蟹蛋泡沫配24個月法國康帝芝士脆片及海膽呢一道菜甚有日本茶碗蒸嘅影子，賣點就喺用上 日本帝王蟹拆肉，做咗個蒸蛋，但嚴格嚟講又唔等同日本個茶碗蒸，嗰種蒸蛋嘅口感帶少少輕柔嘅泡沫感，非常之得意，蛋內混有唔少嘅蟹肉，非常之鮮甜；此外面層嘅芝士脆片同海膽，食法喺篤落啲蛋泡沫度溝埋嚟食，味道非常之豐富、多層次。
日本帝王蟹蛋泡沫配24個月法國康帝芝士脆片及海膽
0 瀏覽
0 讚好
0 留言
紫菜蠔忌廉湯配龍蝦油煎帶子由於加入咗紫菜元素，所以，湯嘅色澤比較深沉，碟邊仲糝咗啲紫菜粉強化番個主題，朋友就話一入口嗰陣蠔味濃郁到不得了，完全喺蠔嘅精華，加上個湯表面再唧咗啲醇厚嘅龍蝦油，變得有種畫龍點睛之效，而湯裏面嘅煎帶子，食得出喺高級靚貨，唔單止口感柔軟，更喺陣陣鮮甜味 ，真喺搵唔到咩挑剔位。
紫菜蠔忌廉湯配龍蝦油煎帶子
0 瀏覽
0 讚好
0 留言
中文寫住意大利麵，好難想像啲意大利粉點樣捲住啲海鮮同五花肉，不過睇埋英文，你就知喺意大利嘅 「水管通 」， 裡面釀滿晒海鮮餡料同五花肉，味道富層次，水管通粉煙韌有咬口，加埋焗過嚟，再配上香味獨特嘅醬汁，可以講喺色香味俱全，再加上件龍蝦肉，自然令賣相再升級少少，如果多幾粒就顯得更貴氣，哈哈！
意大利麵捲釀雜錦海鮮及五花肉、松露康帝芝士忌廉汁
0 瀏覽
0 讚好
0 留言
慢煮乾式熟成鴨胸配鴨油薯仔、香辣煙燻車厘子、士多啤梨果醬、油封金甜菜煎鴨胸算食唔少，當然，高級又有高級嘅做法，今次嘅鴨胸就熟成過，令到鴨胸嘅獨特氣味較強、較突出，再用上慢煮，入口口感倍感柔嫩，伴碟嘅車厘子士多啤梨果蓉，經煙燻處理，再加點辣味，非常有趣，將鴨胸沾上少少，味道變得好微妙，此外，看似平平無狗奇嘅薯仔粒，以鴨油煎煮過，立時變得不平凡。
慢煮乾式熟成鴨胸配鴨油薯仔、香辣煙燻車厘子、士多啤梨果醬、油封金甜菜
0 瀏覽
0 讚好
0 留言
榛子朱古力慕絲配鹽味焦糖開心果忌廉食朱古力一向可以令人變得心情愉快，變得更輕鬆，這一回嘅榛子朱古力慕絲餅，單喺外型已好吸引，挺實而具口感嘅朱古力蛋糕本身朱古力味非常醇厚香濃，加上絲滑嘅榛子朱古力漿，實在叫人回味，而翠綠嘅忌廉初頭以為真喺一抹忌廉，其實喺雪糕嚟，濃香嘅焦糖味中又有淡淡嘅鹹味，再慢慢滲出開心果香，味道細膩。
榛子朱古力慕絲配鹽味焦糖開心果忌廉
0 瀏覽
0 讚好
0 留言
我哋 揀咗一個三道菜（2前菜+1主菜）一個四道菜 （2前菜+1主菜+1甜品）， 一次過試到好多款菜式。臨走時仲見到佢哋擺放咗一個半自助午餐餐牌，星期一至日都有供應，當然平日跟假期價錢會有啲唔同，個定價都幾吸引，已打算下次老婆生日就同佢嚟食返餐。
今晚嘅用餐體驗非常之好，除咗環境超舒服，有氣氛之外，服務非常之燙貼，侍應好有禮貌，而且服務夠晒殷勤，對每度菜式亦都好熟，基本上有問必答。
張貼
