影片
更多
2018-01-24
732 瀏覽
Honey 生日，好早我就book 定餐廳同佢慶祝，不過餐廳只能夠俾到6:30pm，因為當日嘅booking 好 full。似乎太早，但是值得。我哋趕到去餐廳，剛好是6:30pm，客人暫不多。論修裝，這餐廳不算豪華，但是非常舒服，尤其是那些吊燈，營造出很warm 嘅效果。加上餐廳播放著八、九十年代嘅英文流行歌，如 Air Supply、Sade的金曲，氣氛不錯。望見班年青廚師用心烹調食物，真是值得尊重。既然是生日，就揀啲有酒精成份嘅飲品飲下，【Whisky Highball with Cola】和【Fuji Mountain】。兩杯飲品拼埋一齊，真係襯到絕，就好似我同Honey 咁。【Whisky Highball with Cola】: Whisky 唔多，又有可樂沖淡酒精濃度，一定唔會醉。甜甜地，好易入口。【Fuji Mountain】嘅藍色好迷人。飲落有些日本清酒味和荔枝味。Honey 話這杯雞尾酒真係好好飲。食物方面，Honey 話由我話事，不過，我知佢鍾意食軟殼蟹，所以為佢點咗【三代目軟殼蟹沙律】和【脆炸軟殼蟹】，然後，再點了【明太子伴玉子燒】、【北海道珍寶帆立貝 & 宮城蠔
我哋趕到去餐廳，剛好是6:30pm，客人暫不多。論修裝，這餐廳不算豪華，但是非常舒服，尤其是那些吊燈，營造出很warm 嘅效果。
加上餐廳播放著八、九十年代嘅英文流行歌，如 Air Supply、Sade的金曲，氣氛不錯。
望見班年青廚師用心烹調食物，真是值得尊重。
既然是生日，就揀啲有酒精成份嘅飲品飲下，【Whisky Highball with Cola】和【Fuji Mountain】。
兩杯飲品拼埋一齊，真係襯到絕，就好似我同Honey 咁。
【Whisky Highball with Cola】: Whisky 唔多，又有可樂沖淡酒精濃度，一定唔會醉。甜甜地，好易入口。
【Fuji Mountain】嘅藍色好迷人。飲落有些日本清酒味和荔枝味。Honey 話這杯雞尾酒真係好好飲。
Fuji Mountain
22 瀏覽
0 讚好
0 留言
食物方面，Honey 話由我話事，不過，我知佢鍾意食軟殼蟹，所以為佢點咗【三代目軟殼蟹沙律】和【脆炸軟殼蟹】，然後，再點了【明太子伴玉子燒】、【北海道珍寶帆立貝 & 宮城蠔殼燒】、【鮭魚茶漬飯】和火辣辣嘅【重量級火焰原隻雞腿】，咁豐富，相信Honey肯定會鍾意。
侍應真係好細心，一道一道菜慢慢上，讓我們慢慢享受每一道菜。此外，每上一道菜，侍應都會細心解釋一下如何去食法。
【三代目軟殼蟹沙律】用凍盤來上，可以保持冷凍效果。各樣材料，如軟殼蟹、車厘茄、蘋果粒、青瓜粒、雞蛋、果仁、蟹籽、沙律菜、沙律汁等，都舖排得很好，靚絕! 真係唔捨得整散佢。
三代目軟殼蟹沙律
20 瀏覽
0 讚好
0 留言
侍應幫我哋把沙律拌勻，分了兩碟子之後，仍剩下沙律一半在凍盤內，足見份量超大。軟殼蟹炸得香脆，配上沙律，好味到不得了。
【明太子伴玉子燒】: 賣相吸引，玉子燒切成四件，每件都有成吋厚，浸在木魚湯上，吸收魚湯後，除了食到玉子燒的蛋味，亦可以嚐到魚湯味。
明太子伴玉子燒
23 瀏覽
0 讚好
0 留言
原條明太子切成三段，魚籽粒粒晶瑩剔透，鹹香味豐富，咬著魚籽卜卜脆，口感得意。
【脆炸軟殼蟹】: 都知道剛才的沙律內的軟殼蟹一定唔夠Honey 喉，所以見到 jumbo size嘅脆炸軟殼蟹，Honey好開心。
脆炸軟殼蟹
28 瀏覽
0 讚好
0 留言
佢鍾意唔點燒汁來食，原汁原味。我就點了少少燒汁來食，腍少少似乎無咁熱氣。軟殼蟹真係好食，炸得鬆化之餘，亦有肉和少許蟹糕，好滋味。
【北海道珍寶帆立貝 & 宮城蠔殼燒】: 帆立貝、蠔每樣一隻，又係jumbo size，一望就知會好好味。我哋將帆立貝、蠔每人咬一啖，同時感受著兩款貝類食物嘅鮮味，不知幾溫韾。
北海道珍寶帆立貝 & 宮城蠔殼燒
12 瀏覽
0 讚好
0 留言
【鮭魚茶漬飯】: 感覺上，嗰個飯比較硬，即使放咗湯落去將佢浸咗好耐，然後才食，都覺得佢硬。不過，燒鮭魚是好味的。
壓軸登場係【重量級火焰原隻雞腿】。Honey 叫咗一聲: “嘩! 咁大隻~~!”
侍應點火，場面震撼。
火焰熄咗之後，侍應用較剪把雞腿和椰菜剪開，方便我哋去食。
雞腿燒得香，雞肉嫩，辣辣地，好惹味。不過，椰菜就沒有調過味，又乾乾的，所以唔好意思沒有食晒。
Honey 好滿意這個 birthday dinner，尤其是軟殼蟹，同埋珍寶帆立貝和蠔。下次到我生日時，可以再來，試埋和牛和魚生。
臨走時，餐廳已滿座了，好彩有訂位。
張貼
