影片
更多
2025-03-10
114 瀏覽
放工同老公見到銅鑼灣「龍點心」新分店，上次食過幾得，又心思思翻焯，今次專攻佢哋新派燒賣！ 一出𨋢就有打卡位，門口仲有禮品部，食嘅…飲嘅…醬料…一應俱全，做手信、送禮一流 ！🥰👍🏻🔥鎮店「龍記六寶燒賣」玩轉創意： 🌶️香辣雞軟骨燒賣：脆口軟骨mix微辣肉餡，食落有驚喜「咔嚓」聲～🤭🤣🍄黑松露珍香燒賣：松露片油香滲透彈牙豬肉，高級食材feel ！☺️ 🐟蜆介魚肉燒賣：懷舊蜆介醬勁香鮮，魚肉又滑又彈牙！🍊十年陳皮牛肉燒賣：陳皮甘香解膩，牛肉爽口～餡爆肉汁！ 🌿冬陰功泰辣燒賣：酸辣醒神，蝦肉餡包住極鮮甜湯汁！ 🦀星加坡黑胡椒蟹燒賣：黑椒微辛香撞蟹肉嘅鮮，食完脷尖微麻！ 🥟追加嘅傳統蝦餃同燒賣：保持水準，皮薄餡靚，即叫即蒸即上枱。🦑大澳蝦醬鮮魷卷炸得鬆脆，魷魚圈包住彈牙蝦膠，蘸甜辣醬好過癮！🐟口水汁龍利魚腸粉：係暗黑料理變驚喜，滑溜腸包嫩魚肉，辣油吊出鮮味，仲有青瓜絲墊底，清爽解膩～ 鮮蝦蝦子撈麵用菠菜麵做底，蝦子多到似鋪金沙，拌勻食鹹香爆炸！兩個人食到捧住個肚，埋單人均$200有找，銅鑼灣地段算好抵玩。 最後見到隔離枱人客枱枱都嗌叉燒包，脹卜卜，賣相好打卡able，留定quota下次必試
放工同老公見到銅鑼灣「龍點心」新分店，上次食過幾得，又心思思翻焯，今次專攻佢哋新派燒賣！
一出𨋢就有打卡位，門口仲有禮品部，食嘅…飲嘅…醬料…一應俱全，做手信、送禮一流 ！🥰👍🏻
🔥鎮店「龍記六寶燒賣」玩轉創意：
🌶️香辣雞軟骨燒賣：脆口軟骨mix微辣肉餡，食落有驚喜「咔嚓」聲～🤭🤣
🍄黑松露珍香燒賣：松露片油香滲透彈牙豬肉，高級食材feel ！☺️
🐟蜆介魚肉燒賣：懷舊蜆介醬勁香鮮，魚肉又滑又彈牙！
🍊十年陳皮牛肉燒賣：陳皮甘香解膩，牛肉爽口～餡爆肉汁！
🌿冬陰功泰辣燒賣：酸辣醒神，蝦肉餡包住極鮮甜湯汁！
🦀星加坡黑胡椒蟹燒賣：黑椒微辛香撞蟹肉嘅鮮，食完脷尖微麻！
🥟追加嘅傳統蝦餃同燒賣：保持水準，皮薄餡靚，即叫即蒸即上枱。
🦑大澳蝦醬鮮魷卷炸得鬆脆，魷魚圈包住彈牙蝦膠，蘸甜辣醬好過癮！
🐟口水汁龍利魚腸粉：係暗黑料理變驚喜，滑溜腸包嫩魚肉，辣油吊出鮮味，仲有青瓜絲墊底，清爽解膩～
鮮蝦蝦子撈麵用菠菜麵做底，蝦子多到似鋪金沙，拌勻食鹹香爆炸！
兩個人食到捧住個肚，埋單人均$200有找，銅鑼灣地段算好抵玩。
最後見到隔離枱人客枱枱都嗌叉燒包，脹卜卜，賣相好打卡able，留定quota下次必試！ 🥰臨走仲買咗罐脆脆蝦米醬，勁正！🤪
張貼
