王牌冰室 (友邦香港大樓) (已結業)

今日要去北角政府合署某政府部門處理啲文件，一早就要過海，搭地鐵去到鰂魚涌站C出口一出就係友邦大廈，有間連鎖式快餐店，不過今日想食第二樣，轉灣睇睇有間茶餐廳，正！友邦大廈嘅王牌冰室，港島商業區真多人，搵到個位坐抵，店員即問食乜，大佬，我唔係熟客睇下先都得掛，到我諗好叫佢又唔多想落單咁，王牌沙嗲牛肉公仔麵，沙嗲味濃牛肉有咬口唔硬，麵都煮得爽，算係幾好食嘅沙牛麵，牛乳炒蛋都滑有蛋味，多士都唔錯，飲埋杯熱咖啡早餐完成開工去。