影片
更多
2022-12-22
82 瀏覽
特製高級胡麻油炸天婦羅&爆漿香口流心蛋～～～個個都去🇯🇵日本唔通我又有得去日本咩...冇得放假，收工就嚟咗呢一間我好鍾意嘅日本料理餐廳食晚飯。12月天氣凍，食炸野嘅人都多啲，7點幾嚟到，排咗一陣隊，好彩唔係太耐。～～～先唔講食物，佢地嘅丼碗亦都係成餐飯嘅重點之一，望落平平無奇嘅一個碗，其實運用咗源自江戶時代的陶瓷工藝，佐賀有田燒黎製作，碗底部份特意做成空心，咁樣就可以更佳咁保持碗中食物嘅溫度，非常貼心。～～～🦀松葉蟹天丼：呢間餐廳其中一個好嘅點，係佢哋每一次都會有期間限定，令到客人有更多驚喜。今期嘅限定就係呢一個松葉蟹天丼，材料有松葉蟹|海老|小柱魷魚天婦羅餅|莢豌豆|海苔同溫泉蛋等等，貌相豐富誘人不在話下，食落亦係令人驚喜連連。松葉蟹非常鮮甜，蟹膏香濃，香酥炸皮內嘅係濕潤嘅蟹肉，令人唔會食到個口乾爭爭，好高質。而且佢地用咗日本特製高級胡麻油，用呢種胡麻油製成的天婦羅香味特別突出，色澤亦會較深，望落特別靚。～～～🥢迷你天丼&稻庭烏冬：呢個有飯有烏冬一次過滿足你兩個選擇嘅組合亦都係場內非常之多人order嘅。烏冬軟滑非常，仲有大大個盒裏面裝有香蔥、木魚、昆布等等，俾客人自己添加，儀式感滿
～～～
個個都去🇯🇵日本唔通我又有得去日本咩...冇得放假，收工就嚟咗呢一間我好鍾意嘅日本料理餐廳食晚飯。12月天氣凍，食炸野嘅人都多啲，7點幾嚟到，排咗一陣隊，好彩唔係太耐。
～～～
先唔講食物，佢地嘅丼碗亦都係成餐飯嘅重點之一，望落平平無奇嘅一個碗，其實運用咗源自江戶時代的陶瓷工藝，佐賀有田燒黎製作，碗底部份特意做成空心，咁樣就可以更佳咁保持碗中食物嘅溫度，非常貼心。
～～～
🦀松葉蟹天丼：
呢間餐廳其中一個好嘅點，係佢哋每一次都會有期間限定，令到客人有更多驚喜。今期嘅限定就係呢一個松葉蟹天丼，材料有松葉蟹|海老|小柱魷魚天婦羅餅|莢豌豆|海苔同溫泉蛋等等，貌相豐富誘人不在話下，食落亦係令人驚喜連連。松葉蟹非常鮮甜，蟹膏香濃，香酥炸皮內嘅係濕潤嘅蟹肉，令人唔會食到個口乾爭爭，好高質。而且佢地用咗日本特製高級胡麻油，用呢種胡麻油製成的天婦羅香味特別突出，色澤亦會較深，望落特別靚。
～～～
🥢迷你天丼&稻庭烏冬：
呢個有飯有烏冬一次過滿足你兩個選擇嘅組合亦都係場內非常之多人order嘅。烏冬軟滑非常，仲有大大個盒裏面裝有香蔥、木魚、昆布等等，俾客人自己添加，儀式感滿滿，打卡一流。迷你天丼份量亦都唔少，大大隻脆口大蝦🍤，外軟內流心嘅溫泉蛋🥚，食落啖啖令人印象深刻。
～～～
金子半之助 (利東街) (灣仔)
灣仔皇后大道東200號利東街地下G16號舖
張貼
