Cobber Noodle and Mochi

營業中

休息中

有特色同噱頭既餐廳絕對係會吸引我去試下既，今次就去左【Cobber Noodle and Mochi】試下佢地既晚餐。餐廳主打好多款mochi甜品，叫主食有自由無限暢飲飲品吧、特色飲料任飲。南瓜忌廉湯+餐包：南瓜湯質地濃稠滑順，南瓜天然甜味突出，忌廉比例剛好唔會太膩。餐包外脆內軟，蘸湯食幾夾。明太子忌廉蝦肉三文魚子飛魚子紫蘇意粉：意粉煮得al dente有咬口，明太子忌廉醬濃郁creamy，蝦肉爽彈新鮮。三文魚子同飛魚子增加爆漿口感，紫蘇葉碎帶來清新平衡。香脆雞扒撈通粉：雞扒炸得金黃酥脆，肉質juicy唔乾柴。通粉煮得剛好，配芝士番茄汁撈勻酸酸地又唔會覺得好膩。明太子薯條：薯條炸得外脆內軟，明太子醬分量慷慨，鹹香帶微辣。醬料同薯條好夾，鹹蛋黃黃金炸雞：炸雞外皮裹滿鹹蛋黃醬，沙沙口感好過癮，鹹香濃郁。雞肉保持嫩滑多汁，唔會太油膩。豆腐雪糕麻糬：雪糕豆香濃郁，質感細滑，麻糬皮煙韌有咬口。整體係清新嘅飯後甜品。開心果巴斯克芝士蛋糕：蛋糕質感creamy濕潤，開心果味突出，面頭烤得微焦帶香。芝士味濃郁，同開心果幾夾。甜度控制得幾好。