影片
港鐵觀塘站 A2 出口, 步行約6分鐘
繼續閱讀
電話號碼
93315808
營業時間
今日營業
全日休息
星期一至五
12:00 - 22:00
星期六至日
全日休息
*截單時間: 21:00
以上資料只供參考, 請與餐廳確認詳情
相關文章
觀塘名物Cobber 又係同區開多間新店，主打嘅唔係pancake 而係麻糬甜品，今次係星期一晚黎，都全場爆滿! 主菜有十幾款，意粉$98 起，加$20就有餐湯、餐包同沙律🥗(是旦兩款就$15)，另外加$20亦可以食到麻糬雪糕🍨，好抵食!!!吸引嘅仲有飲品free flow 自由斟!🍹 叫主菜就可享免費，總共有5款，當日有西柚特調、玫瑰荔枝特調、巨峰提子伯爵茶、鴨屎香檸檬茶、四季春烏龍茶辣番茄忌廉大蝦意粉🥫🦐🌶️ $98 (🌟9/10)Seared Shrimp Spaghetti in Spicy Tomato Cream Sauce意粉一貫Cobber風格，都係超大碟夾抵食，大蝦有成6隻咁多😳，大佬$98去邊度搵？番茄醬汁加入忌廉，特別香滑，襯托出大蝦鮮味，可以自選辣度，少辣好BB辣，可以再叫辣啲餐湯係南瓜湯🎃同黑松露蘑菇湯🖤，兩款都口感細滑，質地就唔算濃稠，後者仲有勁多蘑菇，配牛角包，沙律菜以柚子醋調味，新鮮爽脆明太子忌廉蝦肉三文魚子飛魚子紫蘇燉飯🧡 $148 (🌟8.5/10)Stewed Rice with Shrimp, Ikura, Tobiko & Shiso in Mentaiko Cream SauceCobber明太子汁一向好出名，醬汁濃稠，鹹鮮辛香，燉飯完美吸收湯汁，撈勻三文魚子、飛魚子食，入口卜卜聲，鹹香又提鮮，記得要趁熱食!抹茶雪糕麻糬🍵☁️ (主菜+$20) (🌟8/10)Mochi with Matcha Ice-cream大大塊麻糬好似張綿被咁覆蓋住雪糕，勁cute，麻糬片到好薄好煙韌，雪糕奶味偏重，抹茶味唔太突出，不過$20真係抵到爛～焦糖開心果巴斯克芝士蛋糕💚 (主菜+$58) (🌟9/10)Caramelized Pistachio Basque Cheesecake開心果味道勁香濃，開心果控approved🤤✅而且唔太甜膩，芝士蛋糕好軟心，面頭舖滿大量焦糖果仁碎，又香又脆🌰芝士青醬大啡菇 $56 (🌟8.5/10)Pesto Mushroom with Cheese一切就爆汁，青醬嘅羅勒味好突出，同啡菇勁夾鹹蛋黃黃金炸雞 $48 (🌟7.5/10)Salted Egg Yolk Cripsy Chicken炸雞嫩滑多汁，不過鹹蛋黃可以再撒多啲
繼續閱讀
🍝🍽️🍡意粉x 麻糬，食得過癮✨設加一，限時100分鐘✅辣番茄忌廉大蝦意粉 -$98意粉份量都好多，軟硬度剛好，呢個辣蕃茄忌廉好掛汁，揀咗正常辣都真係有少少辣，但係辣得好過癮，加上蕃茄嘅酸味，同埋彈牙嘅大蝦，好食到停唔到口。✅蔥蒜香蟹肉意粉 -$148呢邊嘅意粉份量同樣好多同埋彈牙，裏面有大量嘅蟹肉，性價比都幾高，呢款叫咗小辣，相比另外嗰碟唔會好辣，但蒜香味就幾出，另外仲有一堆炸咗嘅蔥絲，整體嚟講都好好味。✅餐包+南瓜忌廉濃湯 -$15餐包係牛角包，上枱嘅時候都仲暖同埋幾鬆脆，牛油味都幾香濃，幾好食。至於個南瓜忌廉湯都唔錯，南瓜味幾濃，個湯好creamy好滑。✅焦糖開心果牛奶麻糬 -$78呢個麻糬真係做得幾出色，麻糬本身黏黏地好煙靭，但係又唔會好硬，會比筷子分開啲麻糬，整到細細粒再黏上大量嘅開心果碎粉，加咗少少糖喺入面甜甜地，另外仲有好多一粒粒嘅開心果碎，整體開心果味都幾濃，食得好過癮。✅飲品吧呢度嘅飲品吧唔使錢，有五款飲品提供，包括蘋果梳打、西柚梳打、巨峰提子伯爵茶、台式烏龍茶、鴨屎香檸檬茶。我自己就好鍾意巨峰提子伯爵茶，提子味都幾香，有少少甜味。無糖健康d嘅烏龍茶都好好飲。
繼續閱讀
今日朋友帶左我去咗間新開超新氣小店，餐廳主打意粉同麻糬。去到小店裡面已爆滿，小店簡約文青裝修，我哋等左大約十分鐘就可以入座。呢度自助落單，食物種類選擇都有好多，主菜加20蚊，就有餐湯、餐包同沙律，另外加20蚊亦可以食到甜品，價錢合理，幾抵食。由於餐小店新開張，外面飲品係任飲，而飲品種類都有5款，有四季春烏龍茶、香橙綠茶同蘋果味碳酸等，而我最鐘意就係西柚特調，無澀味之餘仲甜甜地，另外檸檬特調都幾好，有檸檬味但又唔會酸。餐湯有南瓜湯同黑松露蘑菇湯，兩款餐湯口感細滑，濃稠適中，餐包係牛角包，食落輕脆，沙律菜新鮮爽口，剩係前菜都好有質素。煙三文魚慕絲撻：三文魚味道濃厚，撻外皮香脆，作為一個鹹點，唔錯喎。鹹蛋黃黃金炸雞：雞炸得金黃鬆脆，外層沾滿鹹蛋蓉，鹹鹹香香，幾好味。和風灸帆立貝意粉：帆立貝有三大隻，煎得好香，意粉軟硬適中，充滿橄欖油同牛油嘅香味，幾好。牛油果藜麥沙律：賣相吸引，顏色夠曬colorful，配料新鮮，有牛角包、沙律菜、牛油果、水蜜桃、蕃茄仔同藜麥，份量好多，旁邊仲配左日式醬汁，甜甜酸酸，高纖低脂，啱曬平日食唔夠菜嘅上班一族。抹茶雪糕麻糬：抹茶雪糕味道濃，麻糬夠大塊，口感煙韌，整體好夾，好好食。開心果巴斯克芝士蛋糕：開心果味道好香好濃，咬落又香又脆，口感較厚實，甜味剛好，唔太甜，好好食，勁鐘意。
繼續閱讀
呢日嚟咗觀塘新開嘅餐廳，餐廳喺工業大廈嘅地下，呢日lunch hour嚟到都要等一陣先可以入座😎 餐廳有供應多款意粉、意大利飯同沙律，當然唔少得餐廳嘅招牌麻糬甜品啦😚Cobber Noodles呢款係餐廳嘅招牌意粉，係辣番茄忌廉大蝦意粉🍝 呢個意粉有得揀辣嘅程度，我哋就揀咗正常，食落口非常惹味，上面仲有六隻彈牙嘅大蝦🦐 味道相當有驚喜。蔥蒜香蟹肉炒意粉呢個蟹肉意粉份量勁多，呢個都有得揀辣嘅程度，同樣係揀咗正常辣🌶️ 呢種係好易入口嗰種，蟹肉好香蒜味，撈埋同個意粉食幾正🦀套餐加配我地揀咗加配餐包+餐湯+沙律，沙律有柚子醋調味，餐包係牛角包🥐 餐湯有得揀黑松露磨菇湯同埋南瓜忌廉濃湯🍲 兩款都好濃郁，係好稠杰。甜品♦️開心果巴斯克芝士蛋糕呢個巴斯克芝士蛋糕唔會好膩，質感creamy，開心果嘅味道幾出，特別鍾意佢面頭嘅大量開心果碎😙 ♦️玄米茶雪糕麻糬拿破崙係餐廳嘅新出品，玄米茶口味嘅雪糕味道唔算好重茶味，但呢個口味唔會搶咗拿破崙嘅味道🍞 拿破崙好酥脆，同雪糕麻糬嘅質感相映成趣🥰 ♦️朱古力雪糕麻糬面頭嘅mochi口感超正，係好軟糯嗰種，包裹住朱古力雪糕係好吸引🍦飲品吧餐廳嘅飲品係任飲，每日有五六款飲品☕️ 無糖茶，果汁等等都有提供🧃呢次食嘅意粉同甜品嘅質素幾好，特別係好少見用麻糬做主打嘅甜品，如果可以飲埋杯咖啡就超正啦😎
繼續閱讀
以前不嬲都幫襯開cobber，見到呢一間新嘅Mochi就諗住試一試，入到去覺得都幾驚喜，原來啲嘢飲係自由斟，飲幾多都得。啲意粉同我記憶中嘅味道都好接近，所以帶到比我驚喜嘅都係芝士蛋糕同埋麻糬。我自己覺得玫瑰荔枝特飲都幾得意，粉紅色影相都幾靚。‣ 明太子忌廉蝦肉三文魚子飛魚子紫蘇意粉 $148明太子醬汁香濃惹味，蝦肉新鮮彈牙，而且都比得好疏爽。三文魚子同飛魚子增添唔少口感，其實唔使加紫蘇葉佢都唔會顯得腥，不過令到個味道相對上比較清新啲。‣ 餐包+餐湯 ＋$15南瓜忌廉湯香濃順滑，飲落去都幾綿滑。我幾鍾意佢嘅餐包係牛角包，而且口感都相當鬆脆，唔會話腍啤啤，記住趁熱食。‣ 鹹蛋黃黃金炸雞 $48炸雞裹滿鹹蛋黃，相當香濃惹味，而且個炸雞都炸得相當好，金黃酥脆，嫩滑多汁，一啲都唔會嚡。而且個份量都啱啱好，試到個味之餘，又唔會話因為太多太膩食唔落。‣ 蔥蒜香蟹肉炒意粉 $148我自己推薦嗌少少辣，係要有少少辣味先過癮，而且啲蟹肉嘅份量比得好疏爽，最鍾意嗰啲蟹肉完全冇腥味，炒意粉同明太子意粉又係兩種唔同嘅感覺，都推薦大家試一試，而啲蔥蒜嘅香味都滲入去啲意粉到，食吓食吓就食晒成碟。‣ 開心果巴斯克芝士蛋糕 $58❗️超級推薦❗️餐廳嘅甜品普遍都好值得一試，開心果香氣濃郁，咬落去嘅時候相當脆口，好似有脆皮咁樣嘅感覺。而且芝士蛋糕好軟滑綿密，唔會太實嘅口感真係整得唔錯，食落去好舒服。‣ 玄米茶雪糕麻糬拿破崙 $68❗️超級推薦❗️既然嚟到就不妨試一試佢啲甜品，玄米茶雪糕香濃回甘，茶香都好濃郁，個甜度係啱啱好，相當滿意。個麻糬軟糯得嚟真係相當彈牙，而加埋個酥皮真係有唔同嘅層次。
繼續閱讀