回春

營業中

休息中

今晚行過長沙灣，見到有間日式裝修的小店，企理整潔，而且平日晚竟然差不多全場爆滿，我同友人決定入去一試。首先叫左地中海海鮮燉飯，整作需時15分鐘， 海鮮墩飯有2隻大蝦和2件青口。驚喜的是大蝦入口鮮甜，有海鮮的味道，燉飯配煙燻甜椒醬，再加埋忌廉醬，層次感豐富，並不單純只有番茄醬的味道。另外叫左巴斯克燉雞配自家製純素手工麵包，份量同埋熱度都很足夠，切開雞肉好嫰滑，仲要有淡淡的煙燻味道，非常有驚喜。兩碟菜式外貌雖然好相似，都係用番茄汁，但味道竟然完全唔同，絕對係誠意之作。跟餐叫了2杯特飲，第一杯蝶豆花熱情果梳打，熱情果酸酸甜甜，唔會太冰，開胃醒神。另一杯叫了牛油果青瓜啤梨羽衣甘藍燕麥奶昔，牛油果和青瓜味配合得好，唔會太重奶味，加上啤梨的清甜，質地不濃不稀，易入口又不會太飽肚。最後叫了開心果巴斯克芝士蛋糕，蛋糕自家製，黎到已經聞到滿滿的開心果味道，入口不但香濃幼滑，再配上鮮忌廉和開心果果粒，一件蛋糕2人分享，份量恰好。小店免收加一費，服務好，食物用心製作，性價比高的一間餐廳。