回春

回春是以健康飲食為主題的餐廳，木調裝潢讓人特別放鬆。我和朋友選了秘製冬蔭青口海鮮蝴蝶粉，以冬蔭功醬汁為基底，味道小辣卻不刺喉，醬汁濃郁，完美掛在蝴蝶粉上，口感惹味。海鮮包括新鮮青口、鮮蝦、魷魚、八爪魚和蜆肉，搭配洋蔥和蒜，帶來豐富口感。碗內還有迷你青檸，可隨意擠壓調節酸度。另外，點了西西里美麗傳說沙律，沙律是健康飲食的典範，用料很多包括慢煮雞胸、西柚、香橙、酪梨、茴香、薄荷、羅望籽及紅酒醋漬紫洋蔥。慢煮雞胸肉質嫩滑，完全不柴，帶有淡淡香草味。紅酒醋醃製的紫洋蔥清新不辣，與水果的酸甜完美平衡，適合追求晚餐輕食的我。飲品方面牛牛果青瓜啤梨羽衣甘藍燕麥奶昔，這款奶昔以牛油果「牛牛果」為主，味道厚實順滑，帶來濃郁的果香。啤梨的清新口感與青瓜的醒神味相輔相成。生可可藍莓低卡蕉蕉燕麥奶昔以生可可為特色，香濃而不像朱古力那樣甜膩，帶有微苦感，令人感到清新。藍莓和香蕉（蕉蕉）的甜味與可可平衡，整體口感順滑。最後當然不少得自家製伯爵茶巴斯克芝士蛋糕，用料十足，伯爵茶味帶出淡淡茶香，與濃郁的芝士完美融合。少量玫瑰花提升視覺及儀式感，增添了花香層次，蛋糕外表略為焦化，增添口感豐富度，實在值得一試。…查看更多

餐廳以清新自然的風格吸引人，環境舒適，適合放鬆心情。餐點選擇多樣，都能滿足不同需求。首先上桌的是牛牛果青瓜啤梨羽衣甘藍奶昔，這款奶昔結合了多種健康食材，如羽衣甘藍和青瓜，富含纖維和營養，讓人感到滿足的同時也為健康加分。奶昔的質地滑順，入口時非常柔和。青瓜和羽衣甘藍的清新味道相互融合，帶來自然的清爽感，讓人感到提神醒腦。啤梨的甜味恰到好處，為整體奶昔增添了一層甜潤的口感，而青瓜的清脆感則平衡了甜味，讓整體風味更加豐富。飲品不會過於甜膩，適合各種口味的食客。主菜是回春 All-day，全日早餐的呈現色彩繽紛，包含炒白菌靈芝菇、炒蛋、慢煮雞胸、番茄、羽衣甘藍沙律和自家製手工麵包，每一種食材都新鮮可口。炒白菌靈芝菇口感滑嫩，帶有自然的鮮香，增添了整體的風味。炒蛋鬆軟，口感滑順，鹹香適中，讓人感到非常滿足。慢煮雞胸肉質鮮嫩，經過慢煮處理，保持了肉的多汁感，搭配香料的味道，更加美味。新鮮的番茄切片，清脆可口，為整體帶來清新的味道。羽衣甘藍沙律的新鮮感十分明顯，清爽的口感與其他食材形成良好的對比，增加了整體的平衡性。自家製手工麵包外脆內軟，與其他食材搭配時，增添了一層豐富的口感。甜品是自家製開心果巴斯克芝士蛋糕質地綿密，入口滑順，帶有濃厚的芝士風味。開心果的加入為蛋糕增添了獨特的香氣與風味，讓每一口都充滿驚喜。開心果的香味與芝士的濃郁相互融合，形成了豐富的層次感。蛋糕的甜度適中，不會過於膩口，搭配的鮮奶油則為整體增添了清新的口感。…查看更多

回春呢個名唔知點解令我好鐘意好想知點可以回春🧏🏻‍♀️食物走健康路線 味道都唔錯ꕥ 櫻花帶子奶油義大利麵櫻花蝦加帶子 本身就係鮮味組合吧🦐尤其是櫻花蝦份量不少 每一口都會沾上 好有口感 帶子熟度剛好 軟嫩~意粉醬汁夠creamy 入口滑溜🍝ꕥ 姬松茸味噌炊飯鮭魚定食主食加配菜 豐富得嚟 顏色配搭都好靚🥢先講主角鮭魚 煎到香香哋 油份充足但唔會膩🤤炊飯嘅味噌唔會過濃 感覺反而清新 配菜我較喜歡杏鮑菇同醬油豆腐 另外車厘茄都經過調味 甜中有微微的醎 都好好味呢Lunch set本身會包一杯茶 可以加錢升級咖啡或梳打等點咗焦糖鮮奶咖啡同Mocha都好啱口味☕️…查看更多

吃了心情愉悅的午餐。最近睇咗NETFLIX 「暴君的廚師」很想吃一口好味到一放入口，背脊發光的一道美食。今日午餐來到「回春」，見有啲人氣，只餘兩張檯，心想應該不會中伏，點吃了櫻花蝦帶子意粉，蒜香和櫻花蝦的香，有點惹味，不錯不錯。家人點了橘子🍊鴨肉意大利飯、芝士蕃茄山楂意粉，份量很足，吃得飽飽，我發覺他們用的餐具不統一，有些精緻、有些簡約，反而令整個餐視覺上不沉悶。全間餐廳大約20個位，open rice 有似有得訂檯，大家可以試試。…查看更多

小弟都算食過冇數嘅卡邦尼意粉，但呢間嘅卡邦尼意粉真係唔識點形容佢好，只能說佢令我懷疑自己對卡邦尼意粉嘅定義，如果佢個名係叫蒜香洋蔥炒意粉可能我都可以理解啲掛（但我就未必會叫呢）睇相都見到啲煙肉應該冇煎過，唔講我真係以為係火腿黎意粉又唔掛汁，唔知係咪廚師當日心情唔靚仲有佢哋嘅奶昔，太稀。。。咁就浪費了quota完…查看更多

回春係荔枝角一間文青小清新Cafe，裝修有格調、空間舒服，主打健康奶昔，創意料理。奈良栗子炊飯廣島蠔定食 栗子炊飯軟糯清香，粒粒分明，栗子甜甜地，食落無油膩感。廣島蠔大粒肥美，鮮味十足，煎到外層微焦，定食配菜有時令蔬菜、漬物，水果等，夠晒豐富。櫻花帶子奶油義大利麵 意粉每條都掛滿奶油醬汁但唔會覺得膩。帶子新鮮厚肉，煎到微焦帶少少海水鹹香。醬汁加咗櫻花蝦元素，賣相靚又好味。牛油果青瓜啤梨羽衣甘藍燕麥奶昔（少糖） 材料健康，飲落清新無負擔。牛油果香滑，啤梨青瓜鮮甜，羽衣甘藍加咗層次感。燕麥奶底味道天然，無加太多糖，啱我。生可可藍莓低卡蕉蕉燕麥奶昔用咗生可可、藍莓、香蕉同燕麥奶，口感濃厚但熱量低。藍莓同香蕉香味突出，生可可帶少少苦甜，整體飲落夠smooth又唔會太甜，健康又飽肚。自家製伯爵茶巴斯克芝士蛋糕 質感軟滑，芝士味濃郁但唔會膩，滿滿伯爵茶香，食落有層次。面層微微焦香，唔會過甜，配埋奶昔一齊食更加滿足。…查看更多

最近我在輕芝士到圏發現了幾道超好吃的菜，😋山楂肉醬義大利麵！酸酸甜甜的山楂和濃郁的肉醬搭配，想再來一口！🍝✨套餐加$25就能享受冰涼的凍朱古力，絕對好飲！🍫而他們的 😋全日早餐也很讚，隨時都能吃， 有松露雞蛋， 酸種麵包 ，蕃茄，沙律菜 ，食完充滿能量 ！🥚要留點肚子給甜品！自家製開心果巴斯克芝士蛋糕和 伯爵茶巴斯克芝士蛋糕😌，真的好好吃，香濃的口感讓我每一口都陶醉！🌰🍵下次會再來吃 自家製芝士蛋糕…查看更多

🍱 秘製冬蔭青口海鮮意粉 $108 （味道：3/5）份量都幾多嘅！🍝不過冬蔭味道就唔夠酸又唔辣🌶️🙁，加咗青檸會好食啲🍋‍🟩。青口好普通，入邊嘅魷魚、蜆肉都係正常水準，反而啲洋蔥同蕃茄仔幾好食！🧅🍅🦪 奈良栗子炊飯廣蠔定食 $148 （味道：3/5）四隻蠔冇話好出色🦪。前菜個菇味道同口感都幾特別！🍄 甜品花生麻糬做得幾煙靭🍡💫。☕️提拉米蘇咖啡（跟餐+$30） （味道：3/5）杯咖啡偏甜🍬，但係啲cream唔算好多。🍎合桃蘋果香蕉燕麥奶昔（跟餐+$38） （味道：3/5）好清新🍌，飲得出係無添加糖，但係完全唔似奶昔，因為水份比較多有啲稀💧，但係其實味道係唔錯！✨📝 整體嚟講:餐廳侍應有禮環境都幾舒適～💁‍♀️嘢食嘢飲唔難食，但性價比唔高💸😥，如果呢個價會有更好嘅選擇！味道： 3/5 ⭐⭐⭐回頭： 2/5 ⭐⭐=======================😗🍱 Tom Yum Farfelle Mixed Seafood ($108) (taste:3/5)Generous portion! 🍝 However, the tom yum flavour wasn't sour and spicy enough 🙁. It tasted better with some lime juice 🍋‍🟩. The mussels were quite ordinary, and the squid and clams inside were just average. Surprisingly, the onions and cherry tomatoes were quite delicious! 🧅🍅🦪 Japanese Chestnut Rice Set Meal ($148) (taste:3/5) Came with four oysters 🦪, nothing special. The mushroom appetizer had a unique flavor and texture! The peanut mochi dessert was nicely chewy. 🍡☕ Tiramisu Coffee (+$30 with meal) (taste:3/5) The coffee was rather sweet 🍬, and not much cream.🍎 Walnut Apple Banana Oat Milk (+$38 with meal) (taste:3/5) Fresh taste with no added sugar, but it didn't taste like a milkshake at all cuz it’s quite watery 💧. The flavor was not bad tho! 🥤📝 Overall:A comfortable spot with polite service, but the low cp value. There are better options at this price point.💸Taste:3/5 ⭐⭐⭐Comeback:2/5 ⭐⭐…查看更多

今日同朋友仔去荔枝角，見到有間Cafe好似都坐得幾舒服， 就去試吓次次食西餐都會食溫泉蛋卡邦尼意粉😆今次都唔例外，值得一讚，佢嘅份量係非常之多，入面有溫泉蛋，啱啱好，我跟餐揀咗杯熱latte都只係加$25 ，覺得性價比都幾高另外上網睇到呢一個好似幾多好評，就叫咗巴斯克燉雞配自家純手工麵包，由於佢個汁太啱口味，我哋叫多咗一份包，未食過巴斯克嘅鹹嘢，佢個醬汁好似蕃茄醬再加咖喱醬咁樣，幾特別，而且好重香料味，配搭個麵包啱啱好，而且佢雞扒嘅份量都幾多，我哋有兩塊大雞扒，入面仲有啲瓜，呢個幾出色，呢個餐我哋配咗一杯白桃焙茶梳打另外見到佢嘅甜品都幾出色，我哋就叫咗個開心果巴斯克芝士蛋糕，出面好少有開心果味，佢都做得幾好，而且唔算太甜，我配咖啡飲非常好…查看更多

我與友人於8/8（五）約晚上七點🕖到達餐廳，當時內裏超級多人，有點嘈吵，位置不多，沒有想到居然這麼「爆場」。用QR code下單，但都有紙本menu。最低消費每人一杯正價飲品。叫了SIDES、SHARING (6PM)、SPRINGTIDE LUNCH SET。❶SIDES（$68）①薑黃焗福花青瓜配酸奶花生醬：比想像中大碟，福花也不少，酸奶花生醬的花生🥜味好濃。❷SPRINGTIDE LUNCH SET（$98）①黃金草慢煮雞胸義大利麵🍝：有番紅花、蟲草花、4塊雞胸、翠肉瓜、洋蔥🧅、蒜🧄等，義大利麵份量好多。汁亦好creamy。❸SHARING (6PM) （$168）①迷迭香輕煎紐西蘭羊架佐莎莎焗薯：焗薯為焗薯條🍟，有3塊羊架，配沙律菜🥗，西瓜粒🍉等。羊架沒有臊味，而且煮得好淋，易切。❹套餐+$38配特飲（可選少糖/無糖）①生可可藍莓🫐低卡蕉蕉燕麥奶：香蕉🍌味比朱古力🍫味突出②牛牛果🥑青瓜啤梨羽衣甘藍燕麥奶昔：青瓜🥒味出，超級清新以Cafe來說，價錢合理，份量足夠，又不用加一，服務態度ok，抵食…查看更多

依間舖頭真係位置比較唔顯眼，都係上OpenRice search先見到佢。食嘢當日大概5:30去到，冇其他人，仲有得叫lunch set 嘅意粉，呢度都係QR code落單嘅。佢哋嘅意粉配搭都幾特別💕💕，我第一眼見到山楂肉醬意粉，覺得幾特別，就叫咗呢一個嚟試吓，朋友就叫咗一個鹹蛋黃卡邦尼意粉。肉醬意粉70幾蚊有配埋一杯嘢飲（茶），而如果想要其他嘢飲都可以加錢，佢呢個時段唔使+1。👍👍因為佢即叫即整嘅關係，喺冇乜人嘅情況之下都要等一小段時間，出到嚟真係有驚喜，絕對值得等待。😄首先佢嘅買盤係靚嘅💡，明顯地感覺到係用心製作。💕而且份量真係非常非常充足，我大膽咁講，喺其他嘅Cafe，呢個份量可以分開做兩碟，呢度嘅份量係如果兩個細食嘅女仔嚟到，share 都會夠飽嘅。🤩🤩🍽️山楂肉醬意粉呢個意粉酸甜嘅配搭啱啱好，山楂嘅酸味完美咁樣融合咗落去嗰啲肉醬嗰度，同平時食嘅肉醬意粉有啲唔同，佢嘅醬汁比較清爽，但同時好夾嗰啲意粉。意粉嘅口感都好有彈性，好出色。🥳🥳🍽️鹹蛋黃卡邦尼意粉我冇試到呢個意粉，朋友話呢個意粉都好好食，但由於份量比較大，不食落去比較漏，但我相信呢個唔係餐廳嘅問題，如果有多啲人一齊分享會更加好，非常有質素同埋用心。😎朋友餐飲加錢叫咗一杯奶昔，係用新鮮香蕉同埋藍莓打出嚟嘅，份量都非常充足，就係因為飲完呢杯野，所以我哋兩碟意粉都食唔晒，如果我哋嘅胃口大啲，絕對可以食晒佢。😆💪🏻…查看更多

放工約咗朋友，想搵個地方hea下食餐好啲嘅，今次揀咗呢間喺荔枝角嘅cafe「回春」，之前經過見到環境幾靚又成日爆場，終於有機會試下。裝修風格偏文青，空間感足，坐得舒服，啱晒同朋友傾計慢慢坐。🍗 巴斯克燉雞配自家製純素手工麵包 $108雞腿肉燉得嫩滑，酸酸辣辣嘅蕃茄味好開胃，紅黃椒同墨西哥煙燻辣椒令整體味道更立體。純素麵包帶淡淡小麥香，配湯汁一齊食啱啱好。🦐 地中海海鮮燉飯 $158飯粒唔會太硬，燉得入味，吸曬蝦同蕃茄嘅鮮香。虎蝦夠大隻彈牙，青口亦夠鮮，係成件事嘅靈魂。🥬 牛油果青瓜啤梨羽衣甘藍燕麥奶昔 +$38清爽冇草青味，入口滑溜，飲得出用咗燕麥奶，有飽肚感。🍓 火龍果杞子莓莓燕麥奶昔 +$38果香突出、甜中帶酸，杞子加咗少少中式感覺，但融合得好好，幾有驚喜。回春唔止有特色主食，仲有一系列健康奶昔夠特別。食物擺盤有心思，味道亦有驚喜，幾啱三五知己慢慢歎住傾偈，喺荔枝角區搵cafe，呢間真係幾穩陣👍📍回春· 荔枝角福榮街538號喜遇地下1號舖…查看更多

今次帶大家去咗一間日式fusion餐廳，入面環境超級舒服。我試咗佢哋超有創意嘅定食同飲品，即刻同大家開心share！🇯🇵 **🐷🍚 奈良栗子炊飯豚腩卷定食** 厚切豚腩肉卷住大蔥燒到焦香，油脂滴落炭火「滋滋」聲超治癒～🍢 刷上秘製味噌醬，甜鹹交織好過癮！栗子藜麥炊飯，日本秋栗煮到軟糯，混入健康藜麥～🌰**🍐🐖 斧頭豬胺伴紅酒川貝肉桂燉啤梨** 斧頭豬胺部位嫩到犯規！慢煮到粉紅色，配搭超驚喜嘅燉啤梨～🍷 啤梨用紅酒+川貝+肉桂燉到甜中帶藥膳香！醬汁係燒肉汁混梨汁，清新解膩～ **🍫🍌 生可可藍莓低卡蕉蕉燕麥奶昔** 用凍乾生可可粉+藍莓+香蕉打成的奶昔～💜 燕麥奶代替牛奶，低卡又健康！…查看更多

墨西哥脆片配鷹嘴豆泥脆片的酥脆與鷹嘴豆泥的滑順相得益彰。鷹嘴豆泥的香氣濃郁，伴隨著輕微的香料味，使人欲罷不能。秘製冬陰青口海鮮蝴蝶粉這道主菜的海鮮新鮮，冬陰功的酸辣味道恰到好處，蝴蝶粉的口感豐富，吸附了湯汁，讓整道菜更具層次感。每一口都是海洋的滋味，令人陶醉。斧頭豬胺伴紅酒川貝肉桂燉啤梨這道甜品的搭配令人驚喜，豬胺的香濃與紅酒的酸甜交融，燉啤梨的柔軟口感更是為整體增添了不少風味，肉桂的香氣也讓人倍感溫暖。白桃石榴梳打這款飲品清新怡人，白桃的甜香與石榴的微酸相得益彰，非常適合在炎熱的天氣中享用。熱鮮奶咖啡最後的咖啡是完美的收尾，香濃的咖啡與奶香融合，口感滑順，讓人心情愉悅。…查看更多

人老咗真係開始要養生，食個飯都會留意住夠唔夠營養均衡，呢間我會想再嚟。巴斯克燉雞係全晚最愛，雞髀扒有用香草醃過，表皮煎香、燉得軟滑又保持彈性，每一啖都沾滿濃厚嘅醬汁。 蕃茄、紅黃椒、翠玉瓜等熬成嘅汁有蔬菜清香，加上煙燻辣椒好惹味。刺客義大利麵有超大隻虎蝦，新鮮彈牙。 墨汁意粉係dating大忌，但蒜蓉辣椒炒埋好香，濃濃海味，食到成口黑哂都好值得。奈良栗子炊飯豚腩卷定食係好豐富嘅日式set，除左主食仲有番茄仔、凍豆腐、煎雞髀菇同枝豆。 豚腩卷燒得夠香口、有肉味，有日本串燒店水準。…查看更多