影片
更多
2024-11-03
243 瀏覽
「一起吃飯，無比浪漫💕」今日同朋友一齊過嚟大埔食飯，呢間餐廳以摩登嘅裝修配上大排檔嘅食物，真係好啱一班朋友過嚟食飯，飲吓啤酒傾吓偈，輕鬆一下！🦪酥炸時令台山生蠔 $198生蠔發燒友應該會鍾意！首先呢隻蠔足料，全部勁大隻，一咬入去感覺到外皮嘅香脆，入面嘅蠔肉唔會煮得太熟，亦唔會太過腥，保持適當口感，外脆內嫩，另外配咗個沙律醬，加咗更加好食，推薦！🦐流沙黃金大海蝦 $188呢款蝦細細隻容易食，充滿我最愛嘅蛋黃香氣，好似食零食咁每一隻都非常鬆脆，調味適中唔會太過鹹，非常惹味！🖤生炸芝麻湯圓 $58平時好少見嘅一個餸菜，記住要趁熱食，出面脆卜卜，入面濃郁嘅芝麻香氣，值得一試！🍍🫐🍅菠蘿鮮果咕嚕肉 $128咕嚕肉係我平時必點，呢個咕嚕肉除咗菠蘿仲有勁多生果：原粒香印青提、車厘茄、藍莓.....直程係一個生果盤！底層有冰粒，可以做到冰火效果，咕嚕肉醬汁就酸酸甜甜，幾開胃！🦀蟹粉扒豆苗 $148一上碟我都覺得蟹粉多得好誇張，其他店只會比少少蟹粉作調味，呢間店嘅蟹粉多到可以撈飯，呢隻蟹粉呈橙紅色，入面仲有少少蟹肉，配豆苗非常之match，而豆苗保持翠綠色唔會煮得太過熟，以呢個價錢來講都幾抵食！🥬沙茶
今日同朋友一齊過嚟大埔食飯，呢間餐廳以摩登嘅裝修配上大排檔嘅食物，真係好啱一班朋友過嚟食飯，飲吓啤酒傾吓偈，輕鬆一下！
🦪酥炸時令台山生蠔 $198
生蠔發燒友應該會鍾意！首先呢隻蠔足料，全部勁大隻，一咬入去感覺到外皮嘅香脆，入面嘅蠔肉唔會煮得太熟，亦唔會太過腥，保持適當口感，外脆內嫩，另外配咗個沙律醬，加咗更加好食，推薦！
🦐流沙黃金大海蝦 $188
呢款蝦細細隻容易食，充滿我最愛嘅蛋黃香氣，好似食零食咁每一隻都非常鬆脆，調味適中唔會太過鹹，非常惹味！
🖤生炸芝麻湯圓 $58
平時好少見嘅一個餸菜，記住要趁熱食，出面脆卜卜，入面濃郁嘅芝麻香氣，值得一試！
🍍🫐🍅菠蘿鮮果咕嚕肉 $128
咕嚕肉係我平時必點，呢個咕嚕肉除咗菠蘿仲有勁多生果：原粒香印青提、車厘茄、藍莓.....直程係一個生果盤！
底層有冰粒，可以做到冰火效果，咕嚕肉醬汁就酸酸甜甜，幾開胃！
🦀蟹粉扒豆苗 $148
一上碟我都覺得蟹粉多得好誇張，其他店只會比少少蟹粉作調味，呢間店嘅蟹粉多到可以撈飯，呢隻蟹粉呈橙紅色，入面仲有少少蟹肉，配豆苗非常之match，而豆苗保持翠綠色唔會煮得太過熟，以呢個價錢來講都幾抵食！
🥬沙茶芥蘭炒豬頸肉 $88
呢個屬於穩陣之選，豬頸肉預先醃過，入口濃味爽脆，呢個餸配飯都唔錯！
🥂飲品
🍹雜果冰 $28🖤無糖可樂 $16
🍺青島啤酒 $32 🍸鹹檸檬七喜 $30
雖然點咗其他飲品，但食呢啲酥炸香口嘢建議一律配啤酒！
張貼
