Amusement Eatery (已結業)

今日去咗我平時好少去的長沙灣一帶同朋友飯聚。估唔到呢度好多特式小店，好多間都想試。今晚新嘗試試南美餐廳，非常有格調，燈光昏暗但有很多色彩繽紛的霓虹燈襯托。一排廚房一排座位，坐得舒服。喺店舖盡頭仲有張好大的沙發位，好啱三五知己聚腳。手搖水果茶好奇心驅使下試吓點樣手搖法，有幾款水果味任揀，士多啤梨，熱情果，菠蘿、柚子，我揀咗熱情果，而朋友揀咗士多啤梨。賣相靚，感覺唔錯，熱情果果味好濃再加左紅茶增添了層次感。牛油果沙律（細）主角牛油果份量足，剛好熟透，仲有紅菜頭、南瓜、合桃提子乾，材料豐富，加上南美獨有醬汁，跟一般慣常的西式沙律比較特別。即刨新鮮松露雜菌闊條麵闊條麵手工制，非常有誠意，識落煙韌，比較挺身，有口感。黑松露係即刨味道好香濃新鮮，再加上菇類同密密的芝士碎，層次豐富，係素食推介。慢煮西班牙豬鞍好厚身，慢煮得非常淋身，而邊邊位帶點脂肪，食落好Juice，唔會偏乾，相當唔錯。