影片
更多
2023-03-19
1449 瀏覽
阿根廷以美酒同肉類聞名於世，係食肉者嘅天堂。今日就應友人邀約嚟中環呢間阿根廷扒房「La Parrilla Steakhouse」吃頓午餐。餐廳位於雲咸街，店內裝潢甚具格調，以深色木系設計為主，牆上嘅探戈畫色彩繽紛，斑斕奪目，令人感受到強烈嘅阿根廷風情。坐在靠窗嘅高桌座位上，視野極好，可以睇到繁忙嘅街道，而對面就係集古蹟及藝術於一身嘅「大館」，整體感覺優雅閒逸。我哋揀咗 2 個 Lunch Set，每個套餐都會包前菜、主食、配菜同飲品。點完餐後，店員隨即為我倆送上一客蒜蓉麵包，麵包新鮮烤焗，上檯時已經聞到陣陣香草、大蒜和芝士嘅香氣，拿上手仍熱烘烘，入口外脆內軟熟。前菜選了 Steak Tartare 同 Empanada Feta Cheese & Spinach，生牛肉肉質很鮮嫩，牛味非常突出，配上蛋黃和魚子醬，開胃惹味，跟香脆嘅烤多士夾得天衣無縫。餡餅外形脹卜卜，內裡包裹住滿滿嘅羊奶芝士同豐富嘅菠菜餡料，入口酥香鬆脆，吃時可蘸少許特製醬汁，更添滋味。主食選了 Catch of the Day ($198) 同 Hanger Steak ($298)。三文魚肉厚肥美，外皮煎得超香脆，熟
阿根廷以美酒同肉類聞名於世，係食肉者嘅天堂。今日就應友人邀約嚟中環呢間阿根廷扒房「La Parrilla Steakhouse」吃頓午餐。
餐廳位於雲咸街，店內裝潢甚具格調，以深色木系設計為主，牆上嘅探戈畫色彩繽紛，斑斕奪目，令人感受到強烈嘅阿根廷風情。
坐在靠窗嘅高桌座位上，視野極好，可以睇到繁忙嘅街道，而對面就係集古蹟及藝術於一身嘅「大館」，整體感覺優雅閒逸。
我哋揀咗 2 個 Lunch Set，每個套餐都會包前菜、主食、配菜同飲品。
點完餐後，店員隨即為我倆送上一客蒜蓉麵包，麵包新鮮烤焗，上檯時已經聞到陣陣香草、大蒜和芝士嘅香氣，拿上手仍熱烘烘，入口外脆內軟熟。
前菜選了 Steak Tartare 同 Empanada Feta Cheese & Spinach，生牛肉肉質很鮮嫩，牛味非常突出，配上蛋黃和魚子醬，開胃惹味，跟香脆嘅烤多士夾得天衣無縫。
餡餅外形脹卜卜，內裡包裹住滿滿嘅羊奶芝士同豐富嘅菠菜餡料，入口酥香鬆脆，吃時可蘸少許特製醬汁，更添滋味。
主食選了 Catch of the Day ($198) 同 Hanger Steak ($298)。三文魚肉厚肥美，外皮煎得超香脆，熟度亦剛好，入口充滿魚鮮味，配墊底嘅普羅旺斯雜菜吃，色香味俱全。
另一款 Hanger Steak 賣相亦非常吸引，牛扒大大塊，外層烤至焦香，食落肉質好嫩滑，不嚡不韌，油分亦相當豐富，送上時更附有 6 種唔同醬料，配搭自己話事。
配菜揀咗 Garlic and Parsley Skinny Fries 同 Roasted Cauliflower，薯條外脆內軟，充滿薯味。椰菜花烤得好香，表面呈金黃色，入口爽脆不油，飽肚又高纖。
飲品揀咗 Coke 同 Ginger Ale，另外再加咗個客 Home Made Churros ($48)，Churros 即點即炸，新鮮熱辣，外層鬆化香脆，內裡軟綿不膩，再點埋朱古力醬，真係無得輸！
張貼
