柴夫人魚館

營業中

休息中

星期六放假同朋友去睇多啦A夢展覽, 夜晚係尖沙咀搵左間餐廳食飯。我哋叫左鮑魚雞煲, 材料豐富, 有鮑魚, 雞, 肥腸, 薯仔等, 鮑魚爽口彈牙, 雞肉嫩滑, 豆花十分軟滑, 充滿豆香, 配合香濃醬汁, 十分惹味。我哋另外叫左粉皮, 鴨血, 生菜, ,牛板鍵, 薯粉等配料, 可以打邊爐食, 粉皮食落煙韌, 薯粉吸收晒醬汁精華, 味道幾好。飲品方面, 我哋叫左豆漿, 佢係鮮磨, 豆味香濃, 飲落唔會太甜, 可以解辣。店鋪入面有部雪糕機, 可以任食雪糕, 幾有特色。