紅堂 (已結業)

今日喺銅鑼灣永光中心見到有間新開的紅糖火鍋，上網睇吓評論唔錯，即刻上去是一試，先講裝修，非常摩登style，有大廳又有房，啲房又可以彈性變做唔同大小，夠晒私隱。生日開party一流，仲有好多唔同LED幕牆，不斷播放唔同畫面，真係好潮。今日湯底調一個鴛鴦鍋，一邊麻辣湯底，一邊是養生花膠雞湯，先飲雞湯，夠晒清甜好滋補，用料十足有花膠有魚肚，麻辣湯底裏面果凍豆腐及鴨血味都唔錯。今天火鍋配料：蕃茄甘醋漬- 先嚟一個少少頭盤，好醒胃彈彈鵝腸 - 鵝腸都夠新鮮擺落湯底度滾一滾好快就食得，唔需要滾太耐，如果唔係就好容易會縮水。帶子片 - 佢嘅帶子片將原石帶子切片，比較容易熟同容易咬開。梅菜豬肉丸 - 梅菜豬肉丸係我第一次試，好似豬肉丸再加埋鹹酸菜梅菜嘅味道，味道都幾特別。紫菜響鈴 - 平時響鈴係我打邊爐必然嘅食物，佢今次呢款響鈴有加埋紫菜，口感多咗一個層次。稻庭烏冬 - 手打烏冬加埋個湯底朔晒唔同配料嘅味道，而手打烏冬係比一般普通烏冬更加彈牙，所以我鍾意食。水蓮 - 水蓮菜都係見佢哋餐牌有寫住特別推介，我之前都未食過呢款菜，佢係腸腸又有一條一條咁樣，覺得呢款菜真係好適合打邊爐，而且真係唔係好多地方有