海鍋手工涮涮鍋 (已結業)

依家市面有好多火鍋鋪都有啲唔同嘅特色，今天同朋友食海鍋都有佢嘅特色。九公格調味料，有喜愛嘅沙嗲醬同小辣椒。首先，係紫貝天葵，比較少食市有，都唔錯，濃味又唔會好甜。小龍蝦同南非鮑魚，鮑魚丶同龍蝦都唔使淥好耐，鮑魚林林地丶龍蝦爽口好好味。牛乳海參冬瓜湯底，仲有玫瑰花起上面，又幾特別。蔬菜籃，整整齊齊又新鮮。巨型炸響鈴，依家每家火鍋都有，而有好多都有特色，呢度就特別大。玫瑰花豬頸肉，用魚生或鮮肉砌成嘅花都見過，但係呢度用豬頸肉砌出來嘅係我見過最好，顔色及型態都很好。自家製串串貴妃卷，最初上枱唔係好知係乜，仲以為上錯，睇真原來就係貴妃卷，都幾特別，用菜卷成壽司狀中間夾咗啲墨魚滑，味道口感都唔錯。