神燈海鮮酒家 (18廣場)

營業中

休息中

神燈海鮮酒家之前係將軍澳果間食過晚飯都唔錯。今日約咗舊同事去佐敦呢間飲茶。坐低開壺靚茶飲吓先，再睇吓有咩點心食。香濃雞湯蟹肉灌湯餃先飲啖香濃既雞湯好鮮甜。蟹肉灌湯餃勁大隻。真係大過我隻拳頭。入面好多餡爆多蟹肉勁抵食。黑松露燒鵝腸粉好香既黑松露味，燒鵝肉嫩食落有口感，腸粉晶瑩通透。富貴瀨尿蝦餃原隻瀨尿蝦味鮮配料好食。雪山叉燒飽熱辣辣新鮮出爐皮薄餡靚。同事話想食吓呢個伊比利亞叉燒皇果然係叉燒皇肥瘦適中色澤均勻。仲配埋啲酸蘿蔔好好味。