素年 (汝州街)

營業中

休息中

今天約個朋友食素菜，新派有特色，位於深水埗的《素菜》以西式、台式、泰式等烹調方法展現素菜的健康。餐廳入門口一邊用一個大書架，有一點文青氣息。瘋狂維他命c西柚香橙牛油果沙律~西柚、鮮橙、牛油果、車厘茄、青瓜、新鮮沙律菜等等，仲有十分有益嘅羽衣甘藍，樣樣水果蔬菜都非常新鮮，越食越開胃。菠菜忌廉汁帶子意大利粉~熱辣辣菠菜忌廉汁非常可口，帶子造型嘅雞髀菇兩面煎得香口，意粉好爽滑，呢個pasta做得唔錯。蜜汁烤叉燒菠蘿漢堡~賣相當吸引，齋叉燒好入味，配合菠蘿及蔬菜，見到一大堆薯條，即刻心心眼。自家製香蕉蛋糕配焦糖香蕉琥珀合桃~雪凍咗嘅香蕉入口冰凍，香蕉蛋糕唔會太甜，加上脆卜卜嘅琥珀合桃，錦上添花。主食配餐飲品，可選斯裡蘭卡伯爵茶(凍)或京都宇治玄米茶(熱)，凍飲好大杯。