Kampoeng

營業中

休息中

話說今日同朋友去咗銅鑼灣一間好特別又好地道的印尼菜，呢間餐廳喺地庫，上面門口的入口會見到印尼小食同撈麵，跟住落樓梯一層！裏面地方都算闊落，坐得幾舒服，亦有不少印尼客人幫襯！印尼雜錦炒麵飯：呢個第一次食，覺得幾特別，未試過一碟有炒飯加埋炒麵，有時會諗叫炒飯好定炒麵好？但係呢個一碟可以滿足我！裏面有雞肉、椰菜、豆乾等去炒，真係好足料，而且麪係用上油麪，飯加麪一齊炒真係唔錯，而且仲可以走辣！仲有加埋細細個已經喜歡食嘅印尼蝦片做點綴！煎雜菜餅：好大件，裏面仲有甘筍同椰菜，喜歡香口的呢個不錯，食一件已經好飽😂生辣醬燒乳鴿：平時去酒樓或者大排檔食炸乳鴿食得多，估唔到印尼都會有炸乳鴿，呢隻仲要係原隻燒，燒到外皮好脆，但係裏面啲肉好嫩，點少少辣醬，更加有印尼風味