影片
更多
2024-02-21
28 瀏覽
今日放假去將軍澳啲商場行街，點知周圍都係人想搵間餐廳想食飯都難。行行下就去左將軍澳南海旁，人比較少，環境又清幽啲。去到Chilli Lime 門口都有幾檯客，一於入去食埋晚飯。餐廳裝修好有東車亞嘅特色，好有度假酒店feel，氣氛都唔錯。而餐廳菜式主打東南亞菜，有馬來西亞、新加坡、泰國、越南同印度等唔同地方嘅食物。今日就叫左幾款黎試下。冬蔭功湯-海鮮($118)冬蔭功湯酸酸辣辣，入口好重椰香味。飲落去會飲到好鮮甜嘅海鮮甜味。海鮮有蝦、青口、魷魚。蝦勁大隻，正。泰式生蝦($148)泰式生蝦好大隻，全碟有八隻。加埋店家特製辣醬，夾埋蒜片同辣椒一齊食，好野味。泰式乾炒河-牛肉($118)炒河炒得好乾身好有鑊氣，牛肉都好嫩滑。傳統咖哩羊肉($148)烤餅-牛油 ($38)傳統咖喱羊肉，咖喱除咗有大量香料，亦都落咗大量椰汁，食落完全唔覺得辣。羊肉分量都唔少，有成十幾舊。叫得咖哩，緊係要配埋烤餅啦。烤餅現場人手即搓即烤，又煙韌又新鮮。椰子布丁 ($58)椰子布丁都好出色，加埋椰汁食，好似食緊椰子一樣。餐廳整體食物同環境質素唔錯，去開將軍澳南嘅朋友可以去試下。
餐廳裝修好有東車亞嘅特色，好有度假酒店feel，氣氛都唔錯。而餐廳菜式主打東南亞菜，有馬來西亞、新加坡、泰國、越南同印度等唔同地方嘅食物。今日就叫左幾款黎試下。
冬蔭功湯-海鮮($118)冬蔭功湯酸酸辣辣，入口好重椰香味。飲落去會飲到好鮮甜嘅海鮮甜味。海鮮有蝦、青口、魷魚。蝦勁大隻，正。
泰式生蝦($148)
泰式生蝦好大隻，全碟有八隻。加埋店家特製辣醬，夾埋蒜片同辣椒一齊食，好野味。
泰式乾炒河-牛肉($118)
炒河炒得好乾身好有鑊氣，牛肉都好嫩滑。
傳統咖哩羊肉($148)
烤餅-牛油 ($38)
傳統咖喱羊肉，咖喱除咗有大量香料，亦都落咗大量椰汁，食落完全唔覺得辣。羊肉分量都唔少，有成十幾舊。
叫得咖哩，緊係要配埋烤餅啦。烤餅現場人手即搓即烤，又煙韌又新鮮。
椰子布丁 ($58)
椰子布丁都好出色，加埋椰汁食，好似食緊椰子一樣。
餐廳整體食物同環境質素唔錯，去開將軍澳南嘅朋友可以去試下。
張貼
