宴 尖沙咀

最鐘意去這個呢間餐廳吃串燒。到咗餐廳就揾咗一角坐下，叫咗啲串燒。由於已過繁忙時段，可以每款點一串串燒，試到更多特別嘅食物。對于酒鬼嚟講先選酒 ，呷一口梅酒 慢慢再揀野食😛 清甜唔會太甜，怕又甜又膩嘅梅酒 ，呢款絕對唔會，同居酒屋嘅串燒好夹！首先系主角生蠔刺身，日本岩蠔大如手掌，冇鐵锈味。蘸點檸檬汁，檸檬嘅微酸带出岩蠔本身獨有嘅奶滑。再蘸點帶着幼蔥嘅汁，提高生蠔嘅鮮味。 仲有佢哋嘅肉類串燒嘅味道同口感上頗出色。沖繩風煙燻豬手伴酸汁嘅口感超正，佢哋用咗煙燻味同酸汁加強咗豬肉嘅味道同燒肉嘅香氣，系眾多串燒中最出色嘅。而且外層燒得香郁，內層系熱嘅，多汁嘅。 再來一個啖啖新鮮嘅海膽卷，海膽同白魚卷一口一個，份量十足，勁滿足~高級白身魚油脂含量高，甜味香濃！有白海膽，甜味同海膽味比較平均，食落唔會覺得太流質，比平時食嘅更有口感。自家製沖繩黑糖年糕，以木薯粉製成嘅自家製黑糖年糕，一樣Ｑ彈美味！上面鋪滿咗黃豆粉，沾著黑糖蜜一起食好特別！