101 Binary

營業中

休息中

終於到訪咗舊年8月由琉璃街搬咗去清風街嘅101 binary. 工業風嘅101 binary集咖啡店酒吧於一身，更不時有音樂人演出。今晚靜靜哋，我同朋友嚟咗食晚餐，點咗：食物:🥪煙三文魚無花果酸種多士 $68🍝韓式泡菜忌廉意粉配溫泉蛋 $108🍝香脆辣蝦米醬大蝦意粉 $124🍮岩鹽焦糖雲尼拿雪糕牛角包窩夫 $75飲品:🍹Mount Fuji $58🍸Miss Pinky $58整體食物質素不錯，泡菜意粉濃濃嘅泡菜味夠晒突出同特別，香辣蝦米醬香口而唔會掩蓋咗大蝦嘅鮮味。甜品方面，軟棉棉嘅岩鹽焦糖雲尼拿雪糕配上香脆嘅牛角包窩夫口感一流。飲品賣相吸引，用蝶豆花做出藍藍的 Mount Fuji，仲有粉紅色系士多啤梨益力多味嘅 Miss Pinky, 除咗好飲之外，打卡一流。工業風環境加上偏暗嘅燈光，適合同朋友傾計飲嘢，下次嚟一定要試下佢嘅咖啡。