樂酒場 がくさかば

營業中

休息中

知道尖沙咀新開咗間日本居酒屋，有濃厚嘅日本氣氛，仲有榻榻米座，就約朋友嚟輕鬆一下！迷の刀五雕刺身盛合 ($328)食刺身最啱就係嗌盛合，咩都有得食，啱晒心多多嘅我。款款厚切新鮮，食得滋味。三文魚層層疊 ($138)青瓜壽司卷上面堆疊咗滿滿三文魚，再鋪上芝士同明太子醬，店員席前炙燒後，再灑上蟹籽同香蔥，辣辣哋好惹味，口感豐富，無論味覺同視覺都滿足！蟹味噌甲羅燒(一只）(加多士) ($76)蟹膏甘香幼滑，味道濃郁，配埋多士食，滋味十足。牡蠣の清酒蒸(六只)($238)蠔肉生熟度啱啱好，口感嫩滑，入口滲出淡淡清酒味。