丁爸食府

營業中

休息中

之前聽人講過丁爸食府好食，想試好耐，今日經過牛池灣見到，即刻同朋友入去試下。丁爸食府是正宗台灣菜，好有特色，店舖雖然唔大，但好有風味，有堂食或外賣。有好耐無食過的炸臭豆腐，炸得好香口，加上特製的漿汁和菜，好惹味。高麗菜手工水餃共有8粒，皮薄菜多，菜新鲜好食，我地每人一粒一粒咁食，好快食完，一粒都無剩。我好鍾意食大腸蚵仔麵線，大腸蚵仔多，麵條也多，連湯一齊食，好有台灣風味，在疫情下好耐無去台灣啦，令我想起在台灣夜市食麵線的情景，真是好想去旅行。我地仲叫左古早味红茶和檸檬愛玉，兩杯都好飲，涼涼的，尤其是檸檬愛玉，酸酸甜甜的，係咁熱的夏天飲，真是好舒服，好涼快。今天係店內食，下次可以買返屋企慢慢嘆。