影片
更多
2025-05-19
0 瀏覽
平時好少食印度嘢，呢日去開中環先發現原來有一間隱藏喺地庫入面嘅高質印度菜😳餐廳嘅裝修都好有中東風情，環境幾舒服，而佢哋近日仲推出咗印度傳統嘅土陶鍋菜式🪵分別有印度煲仔飯同埋Tasting Menu入邊食到嘅竹筒飯，印度煲仔飯上到枱仲係噴晒火咁🔥入面就有大蝦、蓮藕同埋秋葵，食到印度香料嘅辛香，風味十足🤩講返Tasting Menu先，入面有成13道菜都只係$490一位，食完真係飽到捧住個肚走😝前菜嘅部份有四道菜式，每款嘅份量都唔少，首先出場嘅係呢一款番薯沙律🍠加入咗石榴籽、同埋脆麵條，口感好豐富，而醬汁方面就用咗乳酪代替沙律醬，感覺幾清新🥬再嚟就係印度傳統小食Pani Puri，呢款小食嘅特別之處就係要倒入大量嘅醬汁一齊食😆一啖食入口酸酸甜甜，個波波入邊係薯仔餡，算係一款幾辣嘅菜式，但係非常開胃🌶️另外嘅呢款印度椰子蝦都好惹味🦐係平時比較少食到嘅南印度菜式，入口非常重椰子香味🥥而最後一款前菜就係印度式嘅Tacos，入面包咗啲慢煮牛肉，帶有淡淡嘅咖喱香氣🐮食完前菜已經飽咗一半🤣跟住就係印度菜入面都幾signature嘅Tandoori烤肉🍖分別有燒羊架同埋三文魚柳，兩款都好香香料味，亦都配咗
講返Tasting Menu先，入面有成13道菜都只係$490一位，食完真係飽到捧住個肚走😝前菜嘅部份有四道菜式，每款嘅份量都唔少，首先出場嘅係呢一款番薯沙律🍠加入咗石榴籽、同埋脆麵條，口感好豐富，而醬汁方面就用咗乳酪代替沙律醬，感覺幾清新🥬
再嚟就係印度傳統小食Pani Puri，呢款小食嘅特別之處就係要倒入大量嘅醬汁一齊食😆一啖食入口酸酸甜甜，個波波入邊係薯仔餡，算係一款幾辣嘅菜式，但係非常開胃🌶️
另外嘅呢款印度椰子蝦都好惹味🦐係平時比較少食到嘅南印度菜式，入口非常重椰子香味🥥而最後一款前菜就係印度式嘅Tacos，入面包咗啲慢煮牛肉，帶有淡淡嘅咖喱香氣🐮
食完前菜已經飽咗一半🤣跟住就係印度菜入面都幾signature嘅Tandoori烤肉🍖分別有燒羊架同埋三文魚柳，兩款都好香香料味，亦都配咗一款薄荷乳酪醬，令到食起嚟冇咁膩🤓
跟住就到咖喱嘅部份，有三款唔同嘅咖喱，三款都唔算好辣😗分別有加入咗蕃茄嘅牛油咖喱雞，偏椰香嘅果亞魚咖喱，同埋菠菜芝士粒，配上勁香嘅蒜蓉烤餅，啱晒點咖喱汁食😋
係我哋已經食到好飽嘅時候，店員竟然拎咗個大竹筒過嚟😳店員會係咁敲個竹筒，「燉」返入邊啲飯出嚟，入面加入咗羊肉，辣度都幾高🫣呢個飯嘅特色之處在於煮嘅時候會加埋一嚿仔竹炭增加香氣，如果辣到頂唔順嘅話都可以加啲乳酪一齊食😎
而Tasting Menu嘅最後有兩款甜品，分別係芒果奶凍同埋傳說中好甜嘅印度甜奶球🤣即係將炸好咗嘅牛奶麵團浸入玫瑰糖漿入面，可能本身預咗好甜嘅關係，食入口反而冇想像中咁甜，帶有微微嘅豆蔻香味😝
除咗嘢食之外，呢度仲有好多款加入咗印度特色嘅cocktail🍸好似呢款火焰威士忌cocktail🔥店員會喺你面前點火，視覺效果一流，啱晒打卡📸
張貼
