樂天經典 (奧海城二期)

營業中

休息中

樂天經典係奧海城入面，近地鐵站非常之方便。店內寬敞，裝潢時尚，而且枱與枱之間間距足夠，座位舒適👍🏻。入座後會有茶水及小食花生🥜同栗子🌰都用滷汁滷過，軟腍入味，令人不自覺地一啖接一啖咁食。🍽福建雞丁燴飯🍚👦🏻話冇食過福建燴飯，所以叫比佢品嚐下🤣，福建燴飯上鋪滿左冬菇粒、紅蘿蔔粒🥕、雞肉粒。福建燴飯嘅特色就係將芡汁撈落飯到，芡汁味道適中，唔會太鹹。炒飯低粒粒分明，飯粒有咬口。👍🏻🍽古早魚香老鼠粉煲🍲未食過老鼠粉，比呢個名吸引住，上菜後發現原來就係銀針粉。上菜嘅時候會附上桔仔鹹魚肉汁，淺嚐一下個醬汁，有橘子嘅清香再加輕微嘅鹹香，撈入老鼠粉煲後，個人認為唔會太鹹，反而有淡淡嘅橘子味。老鼠粉煲較濃稠，有銀針粉、蝦肉🦐同椰菜花🥦。我地叫左小煲，但份量都好多，非常足料！🍽花菇雲耳蒸魚片🐟咁多款菜式相比下，呢款較為普通。但雲耳爽口，花菇吸收左金針、雲耳、魚片嘅精華，令花菇有股鮮甜嘅味道。值得一讚嘅係 魚片厚切，無骨啖啖肉！🍽椒鹽香酥鮮淮山第一次食酥炸淮山，外面有一層薄薄嘅炸粉，內裏估唔到保持住淮山嘅爽脆口感，帶點鮮甜。簡單地加上椒鹽調味，唔會感到熱氣，反而有點養生嘅感覺。