黑門水產すいさん (棉登徑)

營業中

休息中

上網見人介紹呢間餐廳出名食甲羅燒，慕名而來睇下味道如何，估唔到無介紹錯，食物新鮮而且味道不錯，另外環境好有氣氛，天花板掛滿貝殼、燈籠，牆上貼咗好多日本風情畫作，有種去咗日本嘅感覺。我地唔係點咗好多嘢食，但全部都好滿意，特別係個黑門令 極黑鮑海鮮太卷。佢啲料仲多過舊飯，無可能一啖放得哂入口（可能我嘴細），啲料唔係普通材料，而係有鮑魚、三文魚、呑拿魚、蝦八爪魚、玉子，好鬼滿足，好滿意呢個卷！之後大家都有介紹嘅 甲羅燒，食得出同平時嘅有啲唔同，我揀咗有海膽個款，食到有鮮味，無死咸味，佢啲蟹籽燒完仲脆卜卜。落單個陣店員仲話佢地嘅串燒好食，就信佢叫咗3條，分別係燒豚肉蘆筍卷、燒牛肉金菇卷、燒雞頸肉，佢用嘅燒烤醬汁好惹味。