活蘭印度素食

營業中

休息中

從來都冇食過印度菜，朋友話想試吓，上網見到呢間好似唔錯，就過咗嚟試吓店員全部都係印度人，感覺好正宗，而且都有好多印度人嚟食😉香港人嚟到都唔使擔心，有中文餐單💓🌟印式乳酪脆餅本身諗住叫乳酪薯仔脆餅，但係店員話印式乳酪脆餅正宗啲，所以叫咗叫左尼個嚟食，估唔到佢係凍嘅，唔係完全實心，面頭嘅脆皮好薄，入面放左啲乳酪同豆既蓉，好特別！🌟南印式套餐上網睇咗個個都好似有叫套餐，我又唔執輸試吓。中間放左兩塊烤餅同一塊脆餅，側邊放咗八小碟餸，雖然唔知係乜但係每個都好特別，起碼係我第一次食嘅嘢！🌟洋蔥薯仔烤餅呢個真係估佢唔到咁大份，大過曬隻碟，烤餅個皮好脆，入邊仲放咗芝士，卜卜脆好好食，再點埋旁邊嘅汁，個汁真係精粹！唔覺唔覺就食咗好多，入邊嘅薯蓉係正常份量，係咖喱味。