影片
更多
2021-04-14
100 瀏覽
今日係周年紀念日，所以特登選咗一間高級少少嘅西餐 💓💓💓 係永光中心2樓，地點有少少偏僻，不過餐廳環境好靜好舒服，略暗嘅燈光同輕音樂令成個人好放鬆，想大讚一下侍應，真係服務好好，餐單都解釋得好詳盡，野食上嘅時間都岩岩好，仲有問我地要唔要多份餐包呢！因為第一次食，所以我地兩個叫左唔同嘅menu share, 個人更喜歡five course menu ! 海鮮真係新鮮到喊，無論係生蠔、白海老、帶子定鱈魚，全部都好高質，夠新鮮就已經好夠！Five course menu首先有時令生蠔🦪，配上青蘋果同青檸雪葩，生蠔肥美飽滿，係爽口風味，味道清淡，加埋個醬汁幾開胃！另外前菜仲有日本白海老刺身，又叫令和之怪物號，佢個擺盤靚到不得了，下面係藍色液體配合乾冰，好似一個富士山🙈，上面小碟係富山灣白海老配醬油漬三文魚籽，醬汁係香橙啫喱同青醬，份量偏少，但白海老唔會話因為切碎而霉，仲係彈牙爽口，配酸酸嘅香橙啫喱有少少新奇。之後嘅北海道帶子配上青口忌廉醬同奶泡，配上炸紫蘇葉同浸漬三文魚籽，帶子接近一粒乒乓波咁大！肉面肉質好鮮嫩，連肉嘅絲絲紋理都睇唔出🤣但出面如果可以再煎香脆啲就更好Main course 香
餐包
1 瀏覽
0 讚好
0 留言
因為第一次食，所以我地兩個叫左唔同嘅menu share, 個人更喜歡five course menu !
海鮮真係新鮮到喊，無論係生蠔、白海老、帶子定鱈魚，全部都好高質，夠新鮮就已經好夠！Five course menu首先有時令生蠔🦪，配上青蘋果同青檸雪葩，生蠔肥美飽滿，係爽口風味，味道清淡，加埋個醬汁幾開胃！
時令生蠔
1 瀏覽
0 讚好
0 留言
另外前菜仲有日本白海老刺身，又叫令和之怪物號，佢個擺盤靚到不得了，下面係藍色液體配合乾冰，好似一個富士山🙈，上面小碟係富山灣白海老配醬油漬三文魚籽，醬汁係香橙啫喱同青醬，份量偏少，但白海老唔會話因為切碎而霉，仲係彈牙爽口，配酸酸嘅香橙啫喱有少少新奇。
之後嘅北海道帶子配上青口忌廉醬同奶泡，配上炸紫蘇葉同浸漬三文魚籽，帶子接近一粒乒乓波咁大！肉面肉質好鮮嫩，連肉嘅絲絲紋理都睇唔出🤣但出面如果可以再煎香脆啲就更好
Main course 香煎日本銀鱈魚！大讚大讚，鱈魚油香味超香，好油潤軟滑，外皮香脆，整體有層次口感，配上香檳忌廉汁同蕃茄蟹黃醬，雖然香檳汁味唔太出，但兩款唔同醬汁有唔同質地，刺激味蕾，好好味😋 side dish炸牛蒡都好特別呢～銀雪魚上面有日本海膽，質感同刺身感覺唔同，但係海膽味好濃郁，唔腥好新鮮！
甜品係朱古力三重奏，外皮是杏仁朱古力，好似mega 朱古力雪條外皮，杏仁粒粒令口感好豐富，中間是朱古力慕絲同榛子慕絲，較甜喔，所以旁邊配上酸酸嘅香橙雪葩中和味道，三種層次唔同口感，仲有好靚嘅餐廳GJ朱古力牌裝飾，做型好靚，整體唔錯💓
另外叫嘅Dinner menu有4樣野，價錢主要根據主菜決定，平嘅pasta $298 都有～ 首先餐湯係牛油果忌廉酥皮盒，有牛油果同野菌忌廉做成，上到來好似個餐包，入面係濃稠嘅忌廉湯，唔太流質，但味道好好，酥皮輕身薄脆，整體味道偏淡，唔會太肥膩，野菌味好重，又有口感，大推！
另外叫左個法式龍蝦湯，set+38蚊，聽侍應介紹煮法好特別，因此龍蝦湯唔腥而有一份清甜感覺，龍蝦味濃郁但調味偏淡，更突出海鮮嘅香氣，值得一讚係所有碟都烘熱再上，所以食物上到來仲會熱辣辣，唔怕放凍左。
全餐最推薦最好食嘅係呢個—澳州m5和牛肉眼（10ozs) $498！因為另一個餐叫左魚，所以呢個叫左肉眼牛排🥩，超級好食，份量有大約1隻半手掌，肉質厚實，叫左7成，熟度岩岩好，肉汁滿滿，油脂部份入口即溶，牛肉味好香，配上燒烤格紋微微焦香感，牛味重而調味偏淡，旁邊有醬汁同海鹽可以再調味，但我覺得唔加醬汁，牛味更出更好食，好想另外叫多塊牛排食👏🏻配菜蕃茄超級多汁，酸味中和番牛排嘅質感，伴碟酸忌廉焗薯就稍嫌偏淡，不過旁邊都有海鹽同醬汁比你調味，我估係費事太重口味蓋過牛味🙈🙈🙈
甜品係香橙雪葩配朱古力蛋糕，清爽一霉味蕾，發現呢一間好鐘意朱古力配上酸味甜品，味覺衝擊又清新，但個人比較鐘意朱古力三重奏口感同層次🤣
呢一間帶比我驚喜好多，特別係牛排同魚真係好出色，其他前菜全部都好用心，醬料特別，侍應又好好，環境又靚，靜靜地傾計好浪漫，令我好想再搵個藉口獎勵自己再去啊！
張貼
